کیچ ءَ پوج ءِ دست ءَ یک ورنایے آوار جنگ ءَ پد بیگواہ

بلوچستان ءِ دمگ کیچ ءِ ھند شاپک ءَ پاکستانی پوج ءَ یک ورنایے دزگیر کنگ ءَ پد پھمیانیں جاگے ءَ برتگ –

ھالانی تہ ءَ گوشگ بیتگ کہ گوستگیں دو شپاں پیسر پاکستانی پوج ءَ کیچ ءِ دمگ سری شاپک ءَ سید نامیں مردمے ءِ لوگ ءِ سر ءَ بیڑ برتگ ءُ اود ءَ سید ءِ ورنائیں بچ ھزار ھان آوار جتگ ءُ گوں برتگ –

زانگ بہ بیت بلوچستان ءَ آوار جنیانی درچ یکشل ءَ برجاہ اَنت ءُ سیاسی پاٹیانی گوشگ اِنت کہ بلوچستان ءَ اے وھد ءَ بازیں ھسابے ءَ مردم گرگ ءُ گار کنگ بیتگ اَنت –

گوستگیں دو روچانی تہ ءَ پنجگور ءَ دو کس پاکستانی پوج ءُ چیریں ادارھانی چیردستی ءَ جوڑ کرتگیں سلاہ بندیں گل ڈیتھ اسکواڈ ءَ آوار جتگ ءُ برتگ اَنت –