دشت ءَ پاکستانی پوج ءِ سر ءَ اُرش، اُرش ءِ زمہ واری بی ایل ایف ءَ منّ اِتگ

نوک کور ءَ دو پوجی گاڑیانی کاروان ءِ سر ءَ اُرش کُتگ پنچ پوجی کارمند کُشتگ ءُ گاڑی تاوان داتگ انت- میجر گْوھرام

دی بلوچستان پوسٹ

سربوتگیں ھالانی رِد ءَ مروچی ناشناسیں سلاہ بندیں مردماں کیچ ءِ دمگ دشت ءَ پیسر ءَ چہ دگ سر ءَ سنگر بستگ ءُ پاکستانی پوج ءِ دو گاڑیانی کاروان ءِ سر ءَ اُرش کُتگ –

اے اُرش دشت ءَ نوک کور احمد چانکر ءَ کنگ بوتگ ، اُرش ءِ آسر ءَ پاکستانی پوج ءَ جانی ءُ مالی تاوان رس اتگ، سلاہ بندیں مردم چہ جنگ جاہ ءَ درآیگ ءُ رؤگ ءَ سوبمند بوتگ انت –

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گْوھرام بلوچ ءَ رسانکدراں وتی شنگ کرتگیں درشان ءِ تہ ءَ اے اُرش ءِ زمّہ واری منّ اِتگ ءُ گوشتگ کہ مئے سرمچاراں یکشمبے سھب ءَ ادار دہ ءُ نیم ءَ کیچ ءِ دمگ دشت ءَ نوک کور احمد چانکری ءَ پیسر ءَ سنگر بستگ ءُ دو پوجی گاڑیانی سر ءَ راکٹ ءُ دگہ مزنیں سلاھاں گوں اُرش کُتگ –

جارکش ءَ گوشتگ کہ یک گاڑی ءِ ترندیں اُرش ءِ زد ءَ اتکگ ءُ چریشی ءَ گاڑی ءَ سوریں درستیں پنج کارمند ھما دمان ءَ مرتگ ءُ وھدیکہ دومی گاڑی ءَ سواریں پوجی کارمند مرتگ ءُ یا زدگ بوتگ انت –

جارکش ءَ گوشتگ کہ اُرش ءَ پد زورگیریں پوج ءِ جنگی بالگرد وتی زدگ ءُ مرتگیں کارمندانی جونانی چست کنگ ءَ اتکگ – میجر گوھرام بلوچ ءَ گوشتگ کہ ایردستیں بلوچستان ءِ آجوئی تاں زورگیریں پوج ءِ سر ءَ مئے اُرش برجاہ مان انت –