ھب ءَ دگ ءِ وئیل ءَ یک مردمے بیران ھشت زدگ

سر بیتگیں ھالانی رد ءَ بلوچستان ءِ باپاری شھر ھب ءَ کوچ ءُ سنگ ء مرمر ءَ لوڑیں ٹرکے ءِ میان ءَ وئیل بیتگ کہ چریشی ءَ یک مردمے بیران بیتگ ءُ ھشت زدگ بیتگ اَنت –

گیشیں ھالانی رد ءَ وئیل ماربل سٹی ءِ نزیک ءَ پیش اتکگ کہ اود ءَ بس ءَ یک ٹرکے ٹکر جتگ ءُ چریشی ءَ یک مردمے بیران بیتگ ءُ ھشت زدگ بیتگ اَنت –

ھالانی تہ ءَ گوشگ بیتگ کہ زدگ بیتگیں مردمانی تہ ءَ زالبول ءُ چُک ھم ھوار اَنت ءُ اشانی تہ ءَ سَے کسانی جاور نگیگ گوشگ بیگ ءَ اَنت –

بس چہ مکران ءَ دیم پہ کراچی ءَ روگ ءَ بیتگ کہ ھب ءَ ماربل سٹی ءِ نزیک ءَ ٹرکے ءِ میان ءَ وئیل پیش اتکگ –

وئیل ءَ پد ریسکیو ءِ کارمند اتکگ ءُ وئیل جاہ ءَ سر بیتگ ءُ زدگ ءُ بیران بیتگیں مردم چِست کنگ بیتگ اَنت –

چاگری مردمانی گوشگ اِنت کہ بلوچستان ءَ دگانی سر ءَ ھمک روچ بے کساس ءَ وئیل پیش آیگ ءَ اَنت کہ آیانی تہ ءَ گیشتریں وئیل ڈرائیورانی نادلگوشی ءَ دیم ءَ آیگ ءَ اَنت –