نبشتانک: تُپنگ ءِ ھون ءُ نَد ءِ سیاھی
نبشتہ کار: گنی ھیات
دی بلوچستان پوسٹ
بلوچ ءِ سرزمین ءِ رَکینگ ءَ ھون ءُ سیائی ھردوک درکار اَنت بلوچ ھردوکاں پجّیگ ءَ پمشکا کارمرز کنگ ءَ اِنت، گیشتریں گُلامین راجاں پہ وتی آجوئی ءَ نَد ءِ ھمراھی ءَ وتی دیمپانی ءَ تُپنگ ءِ چست کنگ دَرکار بوْتگ آھاں پہ تُپنگ ءِ زور ءَ وتی آجوئی گپتگ ءُ مروچی آ ایمنیں زند ءِ گوازینگ ءَ اَنت پہ آشوب ءِ گرم ءُ لھڑ بوْگ ءَ تُپنگ ءِ کارامد اژدری اِنت ۔
تُپنگ ءِ کارمرز کنگ ءَ ترا ھم وتی نیک ءُ بَد زانگی اِنت ءُ پشت ءُ دیم چارگّی اِنت،دوست ءُ دژمن پجاہ آرگی اَنت ترا وتی آشوبی تُپنگ زوراک ءِ سر ءَ کارمرز کنگی اِنت، تُپنگ ءَ تو ھرکُج ءَ کارمرز بہ کن ئے آ ھون ریچیت بلے پہ زمین ءُ ڈگار ءِ رکّینگ ءَ ھون ریچی بوت آ ھون زمین ءِ دِلبند ءَ براہ دار کنت اَنت گواڈگاں سرسبز کن اَنت گواڈگانی بوہ شھیدانی ارواہ ءَ تاھیر بکشاینت ۔
بلے اولی نَد ءِ ( قلم ) پہ ھرچ کار ءَ کارمرز بیت ھما وھد ءَ نَد (قلم) تئی دست ءَ دیّگ بیت تئی کَدّ پنچ ءُ شش سال بیت نَد تئی راھشونی کنت ءُ تئی گُلامی ءِ سرجمیں راہ ءُ دَراں پَچ کنت ترا گُش اِت تو سرپد کنت ءُ گُلامی ءِ ترا تُپنگ ءِ چست کنگ دَرکار اِنت ۔
گھتر ءُ جْوانتر اِنت کہ ما بلوچ راج دُراہ پہ راجی آجوئی ءَ تُپنگ ءَ چِست بہ کن ایں،ژمن تُپنگ ءِ توار ءَ زیت سرپد بیت چوناھیگا دژمن ءِ ھر جیڑھانی توجیلّ ھم تُپنگ اِنت پمیشکا مارا بلوچاں ھم پہ وتی بلوچ راجی آجوئی ءُ دیمپانی ءَ تُپنگ زُورگی اِنت۔
بلوچاں جنگ کنگی اِنت،جنگ کن ئے وتی جان ءُ زمین رَکّینگی اِنت،ابید ءِ جنگ کنگ ءَ دگہ ھچ راہ وَ نیست بلوچستان ءَ 73 سال اَنت اِنت، بلوچ گلامی ءِ ساھگ ءَ لٹ ورگ ءَ این ءُ گار ءُ بیگواہ کنگ ءُ کُشگ ءُ کُنٹ ءِ جنگل ءُ کوچّگاں چگل دیگ بوْگ ءَ اِنت بلوچ ءِ چُکچینی یکشل ءَ برجاہ اِنت ۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔