بلوچستان ءَ دو ھلکاں تیر گواری وئیلاں یک مردمے بیران دو ٹپی

سربوتگیں ھالانی رِد ءَ بلوچستان ءِ دمگ پنجگور ءَ تیرگواری ءَ یک مردمے بیران ءُ یکے ٹپی بوتگ ، وھدیکے مند ءَ تیرگواری ءَ یک مردمے ٹپی بوتگ –

گیشیں ھالانی رِد ءَ پنجگور ءَ لوگی جیڑہ ءَ جنگ چوپ ءَ یک مردمے بیران یکے ٹپی بوتگ –

ھالکارانی رِد ءَ پنجگور ءِ دمگ گوارگو ءَ لوگی جیڑہ ءِ سر ءَ لٹ ءُ کٹ ءُ تیرگواری ءَ یک مردمے بیران ءُ یکے زدگ بوتگ –

بیران بوتگیں مردمے پجار قیصر ء عبدالرحمن وھدیکے زدگ بوتگیں مردمے پجار محمد صدیق ء علی جان جھمنند کچھی بولان ءِ نام ءَ چہ بوتگ انت –

ھمے وڑ کیچ ءِ دمگ مند سورو ءَ تیرگواری ءِ وئیلے ءَ یک مردمے ٹپی بوتگ-

اھوالکار ءِ رِد ءَ سورو بازار ءَ میڈیکل اسٹور ءَ عمران ءِ ولی محمد نامیں مردے ءَ تیرگواری کتگ ءُ سلمان ء ہاشم ٹپی کتگ-

وئیل ڈگارے ءِ جیڑھے ئِے سر ءَ بوتگ کہ دوئیں کھول ڈگارے ئِے سر ءَ اڑ اِتگ اَنت ءُ عمران ءَ سلمان جتگ-

ٹپی بوتگیں سلمان پہ درمان کنگ ءَ تربت نادراھجاہ ءَ دیم دئیگ بوتگ-

دمگی پولیس اے درگت ءَ گیشیں پٹ پول کنگ انت –