بلوچستان ءِ جتا جتائیں جاھاں گیس تراکانی وئیلانی ھال یکشل ءَ چاگردی رسانکدراں پیداک اَنت چاگردی مردمانی گوشگ اِنت گیسانی کوھن بیگ ءِ سوب ءَ گیشتریں وئیل دیم ءَ آیگ ءَ اَنت –
دی بلوچستان پوسٹ
بلوچستان ءِ بنجاھی شھر شال سیٹلائٹ ٹاؤن ءَ گیس سلنڈر ئِے ترکگ ءَ سَے مردم ٹپی بیتگ اَنت – ٹپی بوتگیں مردمانی تہ ءَ چک زالبول ھم ھوار انت –
ایدھی بنشون ءِ رد ءَ سیٹلائٹ ٹاؤن ءِ دمگ گول مسجد مردان کالونی ءَ لوگے ءِ تہ گیسے ترک اِتگ، گیس ترکگے وئیل ءَ سَے مردم ٹپی بیتگ اَنت –
زدگ بوتگیں مردمانی تہ ءَ شش سالی ئیں جنکوئیں چُک فاطمہ ،پنجاہ ءُ پنچ سالی ئیں حاجی امین ءُ امان اللہ نامی ئیں مردمے ءِ لوگی ھوار اِنت- زدگ بوتگیں مردم پہ درمان ءَ ھسپتال ءَ سر کنگ بوتگ انت – اے درگت ءَ گیشیں پٹ ءُ پول برجاہ انت –