روکپتی بلوچستان ءَ ناشناسیں مردمانی تیرگواری ءَ یک مردمے بیران

دی بلوچستان پوسٹ

سر بیتگیں ھالانی رد ءَ چھبار کنارک ءَ ناشناسین مردمانی تیرگواری ءَ یک مردمے بیران بیتگ –

اھوالکار ءِ رد ءَ گوستگیں شپ ءَ چھبار کنارک ءَ ناشناسیں مردماں تیرگواری کُرتگ ءُ غلام مھمد اھسانی فر جھمنند بانسنت کنارک بیران بیتگ –

آھوالکار ءِ رد ءَ غلام مھمد ءِ سر ءَ ھما وھد ءَ تیرگواری کنگ بیتگ کہ آ اِشاء ءِ نماز ءِ وانگ ءَ پد واتر وتی گِس ءَ آیگ ءَ بیتگ کہ آئی ءِ سر ءَ ناشناسیں مردماں تیرگواری کُرتگ ءُ ھما جاہ ءَ غلام مھمد بیران بیتگ –

تیرگواری ءَ پد دمگ ءِ پولیس ءَ اتکگ ءُ جون چِست کرتگ ءُ کوشکارانی درگیجگ بندات کرتگ –

غلام مھمد ءِ کوش ءِ سوب تنی وھدی زانگ نہ بیتگ –