مند ءَ پاکستانی پوج ءِ پانگس ءِ سر ءَ اُرش، اُرشے زمّہ واری بی ایل ایف ءَ منّ اِتگ

سھریں کوہ ءَ پوجی پانگس ءِ سر ءَ یک پوجی ءِ دیرجنگیں توپکے نشانگ کرتگ کُشتگ، میجر گْوھرام

دی بلوچستان پوسٹ

سربوتگیں ھالانی رِد ءَ گوستگیں روچ ءَ پنچ شمبے ءَ ناشُناسیں سلاہ بندیں مردماں مند ءِ کوھی دمگ سھریں کوہ ءَ برجاھیں پاکستانی پوجے پانگس ءِ سر ءَ اُرش کنگ بوتگ – اُرش ءِ آسر ءَ پاکستانی پوج ءَ جانی تاوان رس اِتگ –

دومی نیمگ ءَ بلوچ راجی آجوئی لوٹوکیں گل بلوچستان لبریشن فرنٹ ءِ جارکش میجر گْوھرام بلوچ ءَ رسانکدراں اے اُرش ءِ زمّہ واری منّ اِتگ ءُ گوشتگ کہ گوستگیں روچ ءَ پنچ شمبے ءَ ساھت چار ءُ نیم ءَ مئے سرمچاراں کیچ ءَ مند ءِ دمگ سھریں کوہ ءَ پوجی پانگس ءِ سر ءَ یک پوجی کارمندے اسنائپر ءِ گون ءَ وتی نشانگ کرتگ ءُ کُشتگ – ھمے میان ءَ پانگس ءِ سنگر ءِ سر ءَ مزنیں ءُ وتکاریں سلاھاں گوں اُرش کتگ –

جارکش ءَ گوشتگ کہ اے اُرش ءَ زورگریں یک دگہ سپاھی ءِ مرتگ ءُ یکے زدگ بوتگ – اے اُرش بلوچستان ءِ آجوئی ءَ تاں برجاہ مان انت –