مھروان ءُ منی میتگ- مھم جان بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: مھروان ءُ منی میتگ

نبشتہ کار: مھم جان بلوچ

دی بلوچستان پوسٹ

دِرک گپتگیں پاداں انچوش وت ءَ رسینت کہ من اجکہ بوت آں من جُست کت ترا کے ءَ ھال داتگ کہ من اتکگ آں ؟-

منی پسو نہ دات ئے ھیسک ءُ ھمپان اَت ساہ ءِ دارگ ءَ نہ اَت من لوٹ اِت کہ دست ءَ بہ گران ءُ بہ گُشاں ئے  بہ نند چو تو مِر ئے ،  منی دست شھار ءَ چے ساری منی دست گپت ءُ گوشت ئے زُوت کن پادا بریں، من پاد اتکاں منی دست مُھر گپت اَنت ئے پد ءَ دِرک زُرت اَنت ئے پہ جنگل ءِ نیمگ ءَ نیم راہ ءَ چِنالے دیست گوں سارتیں ساھگ ءَ من تُستگ اِت آں ، من گُشت نند کمو دم کنیں تو من ءَ کُشت کندگےجت ئِے ءُ من ءَ گُشت ئِے تو پیر بیتگ ئے بزگ ! ھاھاھاھاھاھا۔

گڑا من دست گپت ءُ دِرک زُرتاں داں وتی جاہ ءَ رس اِت اِیں ما ھردو کپت اِیں ۔ من گُشت ھاں ! من پیر آں اگاں ھمایاں کہ پیسر ءَ بیتگ آں ؟ –

گُشت ئِے ترا نہ زاناں بلے من ھمایاں کہ پیسر ءَ بیتگ آں ترا بلکیں وھد ءِ زوراکیاں، بڈ ءِ گرانیں باراں ، بدل کُتگ بلے من ءَ اُمیت اِنت کہ تو بدل نہ بیتگ ئے بس گپ کم کن ئے پیشی داب ءَ نہ اِت !-

کرود ءِ چیر ءَ مئے نُک ٹَک ٹَک جنگ ءَ اِتاں بلے سما نیست اَت ،  چہ گیشیں کندگ ءَ گُش ئے سرجمیں جنگل سر ءَ زُرتگ اَت ۔من دل ءِ پاھار کشّ اِت آں ءُ گُشت اُوووپ ! من ءَ سک زھیر بیتگ پہ تو ، گُش ئے بے تو زند ءِ ھر سپر بے مانا ءُ بے ھاٹیگ بیتگ ، وھدے کہ بلبلانی شیزارگ گوشاں کپتگاں ھما دمان ءَ تی کندگانی زپتیں زھیراں گور جتگ ، من چو بنگ ءِ ملاریں مستانگے ءَ ھیال کُتگ گُش ئے ترا من وتی ھمبازاں زُرتگ اے تھنائی ءَ بس من ءُ تو مستیں بوجیگے ءَ سوار بیتگیں چہ اے جھان ءَ دور ءُ گِستا ، بس من ءُ تو دیگہ کس گوں نہ بیتگ۔

ترا یات بیت ؟
وھد ءِ زوراکی ءُ آجوئی ءِ شور گپتگیں برانزاں انچو وتی تینزیں گاماں گوں بران ءُ ما روان اَتیں کہ ھچ سما نہ کپت کہ مئے نوک تْرکتگیں چَم چو جلدی روژنا بنت ءُ ما گوں ھمے وھد ءِ تُرندیں گاماں گوں سپر کنان ءُ مزن بئیں-

مئے باز یات پَش کپتگ اِد ءَ برے دل ءَ ھُل کُتگ کہ یاتانی پَد جنی ءَ بیا آں بلے پد ءَ من دل ءَ ھیال کُتگ کہ چتور واتر بہ باں؟-

اے میتگ مدام من ءَ یاتے ءَ پرین اِیت ، پرچاکہ  منی کسانی ءِ نیم ھمے میتگ ءَ گوستگ ءُ لھتیں یاتاں کہ انگت ھمد ءَ پَش کپتگ اَنت ! بلے نہ زاناں دگہ کُجا منی یات ءُ زھیر ءُ ترانگ پَش کپتگ اَنت پرچا کہ من وتی کسانی سرجم ءَ نہ گوازینت من ءَ سما ھم نہ بیت کہ منی کسانی چون گوست ءُ جلدی شُت۔


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

کیچ الندور ءَ ناشناسیں مردماں ھائی اسکول سوتکگ

دی بلوچستان پوسٹ کیچ ءِ دمگ بلیدہ الندور ءَ ناشناسیں مردماں گورنمنٹ ھائی اسکول بُن داتگ، چریشی...

گچک: دو زالبول ءُ چُکاں ھوار نُھ مردم بیگواہ

دی بلوچستان پوسٹ چہ گچگ ءَ پاکستانی پوج ءِ دست ءَ دو زالبول ءُ چکاں ھوار نُھ...

مند ءَ پاکستانی پوج ءِ پانگس ءِ سر ءَ اُرش، اُرش ءِ زمّہ واری بی ایل ایف ءَ منّ اِتگ –

گوک رودان ءَ پاکستانی پوج ءِ پانگس ءِ سر ءَ اُرش کتگ دو کارمند کُشتگ یکے زدگ کُرتگ - میجر گْوھرام...