تربت ءَ ناکو سبزل سامگی ءِ یات ءَ پُرسی پترے دارگ بیتگ

تربت ءَ بلوچی میوزک پروموٹر سوسائٹی ءِ چیردستی ءَ بلوچی زبان ءِ نامی ئیں زھیروک ءُ وش الھانیں ناکو سبزل سامگی ءِ یات ءَ پُرسی پَترے یک شمبے ءِ روچ ءَ دارگ بیتگ –

دی بلوچستان پوسٹ

بلوچستان اکیڈمی تربت ھال ءَ پروموٹر سوسائٹی ءَ ابید اوست ویلفیئر آرگنائزیشن، احساس ویلفیئر آرگنائزیشن ءَ ھوار بلوچستان اکیڈمی ءِ اگدوداراں پرسی پَتر داشتگ ءُ آئی ءِ ارواہ ءَ دوا کرتگ –

جتائیں تکاں بندوکیں زانتکاراں دیوان ءَ بھر زرتگ ءُ سبزل سامگی ءِ ستاشانی کرتگ ءُ ھمے وھد ءَ بلوچی میوزک پروموٹر سوسائٹی ءِ سرکماش داؤد کلمتی، جنرل سیکرٹری گلزار گچکی، بجار بلوچ، بھرام بلوچ، خلیل تگرانی، عارف حکیم، زاھد حسین، شے حق تگرانی، مجید صالح، بلوچستان اکیڈمی سرکماش عبید شاد، پروفیسر ڈاکٹر غفور شاد، پروفیسر غنی پرواز، مقبول ناصر، قدیرلقمان، عابد علیم، اوست ویلفیئر آرگنائزیشن ءِ سرکماش مھم جان دشتی ءَ پرس ءِ پتر داشتگ بیتگ وھدیکہ نیشنل پاٹی ءِ بنجاھی سنیٹر کودہ اکرم دشتی، حاجی فدا حسین دشتی، واجہ ابولحسن، ڈاکٹر نور احمد، ڈی ایم دشتی، ملا برکت، مھم جان دشتی، قادر بکش، ساجد حسن دشتی، بی این پی ءِ دمگی سروک میجر جمیل دشتی، ڈاکٹر غفور احمد، واجہ حمل بلوچ، شے نزیر احمد، نصیر گچکی، بی این پی عوامی ءِ دمگی سروک کامریڈ ظریف زدگ، علی جان جوسکی، عھد الاھی میروزئی، زاھد سلیمان، مکران ھائی کورٹ بار ایسوسی ایشن ءِ رھشون عبدالمجید دشتی ایڈوکیٹ، تربت سول سوسائٹی ءِ سروک سنگت گلزار دوست، چاگردی باسک شگر اللہ یوسف، یلان زامرانی، شائر ءُ زانتکار رحمان مراد، عارف عزیر، پھلان عمر نئیم شاد، بھار علی بھار، ڈاکٹر محسن بالاچ ءَ ھوار جتائیں تکاں بندوکیں مردماں بھر زرتگ –

بھر زیروکیں مردماں سبزل سامگی ءِ کرد ءُ ساڑاتگ ءُ بلوچی گشندھی ءِ پڑا آئی ءِ کرد ءِ ستاشانی کرتگ –

بلوچی میوزک پروموٹر سوسائٹی ءِ جارکش ءَ گْوشت کہ سبزل سامگی یک لوگے ءِ مردم نہ بیتگ آ راج ءِ ھستی ءِ بیتگ –

آئی ءَ گوشت کہ آئی پرسی یات ءَ مروچی برجم کرتگیں دیوان ءَ بھر زیروکیں مردماں اے پدر کرتگ سبزل سامگی یک لوگے ءِ مردم نہ اِنت بلکیں بلوچ ءِ ھستمندیں ھستیاں چہ یکے بیتگ ءُ ھمے وڑ ءَ یاتگیری کنگ بیتگ اِنت –

آئی ءَ گوشت کہ سبزل سامگی دلانی تاھیر بکشوکیں یک ازمکارے بیتگ ءُ دنیا ء ھر ھما نندوکیں بلوچانی واستا سبزل سامگی ءِ توار یک تاھیر بکشیں توار ئِے ءُ ھرچ وھد ءَ بلوچ راج سبزل سامگی ءَ بلوچی گشندھی ءِ پڑا جوانیں رنگے ءَ یات کنت ءُ سبزل سامگی زندگ اِنت ءُ ھروھد ءَ یات کنگ بیت اِنت –