بلوچستان: دگ ءِ وئیلے ءَ سَے مردم زدگ

دی بلوچستان پوسٹ

ھب بیلہ کاٹور ءَ گاڑی ءِ چپی بوگ ءَ سَے مردم زدگ –

بلوچستان ءِ کار ءُ باری شھر ھب ءِ دمگ بیلہ کاٹور ءَ کراچی داں شال ءَ رؤکیں مزن شاھدگ ءِ سر ءَ پیک اپ گاڑی ءِ چپی بوگے آسر ءَ سَے مردم زدگ بوتگ اَنت –

زدگ بوتگیں مردم ھما دمان ءَ دمگی نادراھجاہ ءَ سر کنگ بوتگ انت –

زانگ بہ بیت بلوچستان ءِ جتا جتائیں دمگاں ھمک روچ دگ ءِ وئیلانی ھال دیم ءَ آیگ ءَ اَنت ـ وئیلانی آسر ءَ بازیں مردمے چہ وتی زند ءَ زبھر بوتگ –
گوستگیں ماہ ءِ ستمبر ءَ 1207 وئیل دیم ءَ اتکگ ات، وئیلانی آسر ءَ 128 مردم مرگ ےِ دیمپان بوتگ ءُ 1730 ٹپی بوتگ ات – بلے تنی وھدی دگانی جیڑہ سر ءَ ھچ وڑیں گامگیج زورگ گندگ ءَ بیگ ءَ نہ انت –