تمپ ءَ گل ءِ چیریں بنجل ءِ سر ءَ لشکر ءَ بیڑی کرتگ، پسھی اُرش ءَ لشکر پروش داتگ- بی ار اے

مروچی سھب ءَ بیتگیں جنگ ءُ چوپ ءَ مئے سرمچار سلامتی سوبمندی ءَ دراتکگ اَنت – بیبگر بلوچ

بلوچ ریپبلکن آرمی ءِ جارکش بیبگر بلوچ ءَ شنگ کرتگیں درشانے ءَ گْوشتگ مروچی سھب ءَ پاکستانی لشکر ءَ تمپ ءِ دمگ کلبر ءِ کوھی دمگ ءَ گل ءِ چیریں بنجل انگیر ءَ کرتگ ءُ اُرش کنگے جھد بے سوب کرتگ ءُ سرمچار سلامتی ءَ وتی مھریں بنجل ءَ شتگ اَنت ھمے وھد ءَ لشکر ءِ گون ءَ یک ادارے ءَ داں جنگ بیتگ اے جنگ ءَ لشکر ءِ بازیں کارندہ مرتگ ءُ زدگ بیتگ اَنت –

بیبگر بلوچ ءَ گْوشت کہ پاکستانی لشکر چیرجنگولانی دیم ءَ پُرشتگ ءُ بے سوبی ءِ آماچ اِنت بلے وتی پروشی ءَ لس میتگانی سر ءَ بیڑی کنت ءُ کماش ءُ زالبولاں جنت

آئی ءَ گْوشت کہ زورگریں لشکر ءِ دراھگ ءُ روگ ءَ مئے اُرش برجاہ مان اَنت