جائو ءَ لشکر ءِ برزی ءُ جھلی لشکرکُشی برجاہ اَنت

لشکر ءَ کوھی دمگ ھرچاریں نیمگاں انگیر ءَ کرتگ ءُ بالگردانی کمک ءَ جاہ جاہ ءَ وھد وھدے سر ءَ تیرگواری کنگ ءَ اِیں –

دمگی مردمانی رد ءَ پاکستانی لشکر ءَ جائو ءِ دمگ سورگر ءَ بازیں کچے ءَ زمینی ءُ برزی لشکر کشی ءِ بندات گوستگیں ماہ ءِ شانزدہ رمس ءَ کرتگ ءُ کہ انگت ءَ برجاہ اِنت –

دمگی مردمانی رد ءَ لشکر ءِ پیش گامی اورناچ، بیلہ ءُ نال ءِ نیمگ ءَ بیگ ءَ اَنت، اے وھداں کوھی پَٹی دمگاں بازیں کچے ءَ مردم لشکر ءَ دزگیر کرتگ ءُ گون وت برتگ اَنت –

زانگ بہ بیت بلوچستان ءِ جتا جتائیں جاھاں پاکستانی لشکر ءُ چیریں ادارھانی جوڑ کرتگیں ڈیتھ اسکواڈ ءِ ٹولی ءِ نیمگ ءَ لشکرکشی ءُ بیڑیانہ درچ برجاہ اِنت –

بلوچستان ءِ گیشتریں دمگاں منندی مردمانی نیمگ ءَ اے ھال سربنت کہ لشکر کشی ءِ وھد ءَ پاکستانی لشکر ءُ آئی ءِ داشتگیں کشندہ لوگانی تہ ءَ دُزی ھم کن اَنت –

بلوچ راجدارانی نیمگ ءَ اے لشکر کشی ءُ بیڑیانی ایرجنی ھم بیتگ