سوراب/نسیر آباد: ءَ تیرگواریانی ویل ءَ سَے مردم بیران

بلوچستان ءِ دمگ سوراب ءُ نیسر آباد ءَ تیرگواریانی ویل ءَ سَے مردم بیران ءُ پنچ زد بیتگ اَنت –

سوراب ءِ دمگ گدر ءِ بازار ءِ نزیک ءَ ناشناسین سلاہ بندیں مردمانی تیرگواری کرتگ ءُ سکندر ھان ریکی نامے مردمے کُشتگ-

میر سکندر ھان ریکی ء مراد بکش ریکی گوستگیں بیگاھے ساھت پنچ ءَ ناشناسیں مردمانی تیرانی نشانگ بیتگ، ویل ءِ بارو ءَ گیشیں سرپدی نہ بیتگ –

ھمے وڑ ءَ نسیر آباد ءَ تھانہ منجھو شوری ءَ یکیں ٹکے دو ٹولیانی میان ءَ جنگ ءُ چوپ بیتگ چریشی ءَ دو مردم بیران ءُ پنچ زدگ بیتگ –

زانگ بہ بیت گوستگیں روچ ءَ واشک ءُ بگاؤ ءَ کزا ئے ءَ سَے مردم بیران ءُ لیویز کارندھے ءَ ھوار سَے زدگ بیتگ اَت –

پھزدار ءِ رد ءَ واشک ءِ دمگ ناگ ءَ زمینی جیڑوے ءِ سر ءَ تیرگواری ءِ سبب ءَ لیویز ءِ کارندہ الی اکبر ءَ ھوار سَے مردم زدگ بیتگ وھدیکہ بگاؤ ءَ ٹکی دشمنی ءَ سَے مردم بیران بیتگ اَت –