شال ءَ بیگواھیں مردمانی درگیجگ ءَ شدمانیں ھرتال ءَ 3ھزار 9 سد ءُ چِل ءُ یک روچ سرجم بیتگ

بلوچستان ءِ بنجاھی شھر شال ءَ وائس پار بلوچ مسنگ پرسنز ءِ نیمگ ءَ برجم داشتگیں گدان ءَ 3ھزار 9 سد ءُ چِل ءُ یک سرجم بیتگ، مستونگ ءَ راجداری ءُ چاگردی باسک نسیب اُلا بلوچ ءُ دگہ مردماں بنجل ءِ تر ءُ تاب کرتگ ءُ گدان ءَ نشتگیں مردمانی گون ءَ پدردی درشان کرتگ-

اے وھد ءَ وی بی ایم پی ءِ رھشون ماما کدیر بلوچ ءَ گْوشت کہ پاکستان ناشرکاری ءِ نام ءَ بلوچ راج ءِ نسل کُشی ءَ کنگ اِنت وھدیکہ نیگراھی ءِ نام ءَ جھان ءِ چَماں سرومگ مانریچان اِنت ءُ آئی ءِ دلگوش بلوچستان ءَ برجاھیں پُرایمنیں جد ءُ جھد ءِ بارو ءَ دنیا ءَ کور کری ءِ مانزمانی ءَ چگل دیگ اِنت –

آئی ءَ گْوشت کہ بیگواھیں مردم ءُ شھیدانی پُشت پد پرایمنیں جد ءُ جھد ءَ چَہ جھان ءِ دیم ءَ وتی وتمیاتکی گپ ءِ منینگ اِنت -پاکستان ءَ ءَ دزکمک ءُ پلامرزی کنگ ءُ میان اُستمان راجمان ءَ ھوار سرجمیں جھان ءِ واستا لُلوک تالان کنگ ءِ جرماں بروبری ءَ روان اِنت-

ماما کدیر ءَ گْوشت کہ میان اُستمانی ھواریں راجمان بلوچستان ءَ برجاھیں بلوچ نسل کُشی ءِ دارگ ءَ وتی کردمان ءَ سرجم بہ کنت – بیگواھیں مردمانی دیمدراھی ءِ واستا پاکستان ءَ زور بہ دنت ءُ دانکہ ات دمگ ءَ ایمنی ءِ شاتمانی ءُ پاکستانی ناشری ءِ دیستگیں واب سرجم مہ بنت –

آئی ءَ گوشت کہ میان اُستمانی ھواریں راجمان ءَ گوں دستبستگی کن آں کہ آ پاکستان ءِ ھاکمی ءُ لشکری بدستاں میان اُستمان انٹرنیشنل کورٹ آپ جسٹس ءَ بلوچ نسل کُشی ءِ سر ءَ جنگی جرمانی مزگری ءِ توار ءَ چِست بہ کنت ءُ ما میان اُستمانی رسانکدر ءَ گوں دزبندی کن ایں آ وتی گُنگی ءِ زبان ءَ بہ کش اِیت ءُ بلوچستان ءِ جاور ھالانی بارو ءَ نبشتگ کنت ءُ راستگیں گپ آں جھان ءِ دیم ءَ ایر بہ کنت