تمپ ءَ پاکستانی پوج ءِ جوڑ کتگیں ڈیتھ اسکواڈ کارندھاں یک ورنایے ءِ سر ء تیرگواری کتگ-
گیشیں ھالانی رِد ءَ گوستگیں روچ ءَ تمپ ءِ دمگ گومازی ءَ چیری بازار ءَ المبیک شیپ ءَ ڈیتھ اسکواڈ کارندہ اوشتوک بوتگ اَنت کہ ھمے وھد ءَ گومازی ء جھمنند ورنا دلجان ء رشید گوزگ ءَ بوتگ کہ ڈیتھ اسکواڈ کارندھاِں آئی ءِ سر ءَ تیرگواری کتگ ءُ بلے وشبھتی ءَ آ رکّ اِتگ ءُ چریشی ءَ پد ڈیتھ اسکواڈ کارندھاں دلجان ءِ رندگیری کتگ بلے آ دز نہ کپتگ-
زانگ بہ بیت اشی ءَ ساری تمپ ءِ جتاجتائیں دمگ ھاسکار گومازی ءَ ڈیتھ اسکواڈ ءِ کارندہ بازیں ورنایے تیرانی نشانگ کتگ ءُ کُشتگ اَنت-
ڈیتھ اسکواڈ کارندھانی سر ءَ ھمے بھتام اِنت آ پاکستانی پوج ءِ چیردستی ءَ ورنایانی آوار جنگ ءُ بیگواہ کنگ آیانی سر ءَ تیرگواری کنگ ءُ میتگانی سر ءَ بیڑبرگ ءُ گرانبھائیں ساز ءُ سامانانی لُٹ ءُ پُل کنگ ءَ ھوار اَنت-
















































