بلوچستان ءِ ضلع ھُزدار ،نوشکی ءُ ھاران ءَ پاکستانی لشکر ءَ بازیں دمگاں اُرشانی دیمپانی کنگ ءِ ھال سر بیتگ انت۔
ھالانی رد ءَ ضلع ھُزدار ءِ دمگ جیوا ءَ پاکستانی لشکر ءِ مزنیں کاروانے نشانگ کنگ بیتگ۔کہ اُود مزنیں کچے ءَ سلاہ بندانی ساڑی بیگ ءُ میڑانی ھال دیم ءَ اتکگ انت۔
دومی نیمگ ءَ ضلع ھُزدار ءِ دمگ زھری ءِ ھند انجیرہ ءَ پاکستانی لشکر ءِ مزنیں کاروانے نشانگ کنگ ءِ ھال دیم سر بیتگ انت۔بنداتی ھالانی رد ءَ وئیل ءَ جانی ءُ مالی تاوان بیتگ۔بلے انگت ءَ تاوانانی سرجمیں ھال دیم ءَ نہ یتکگ ۔
ھمے وڑ آر سی ڈی شھدگ ءَ لکوریان ءِ نزیک ءَ سلاہ بندیں مردمانی ءُ پاکستانی لشکر ءِ میان تُرندیں میڑانی ھال انت۔
ھمے پئیم ضلع ھاران ءِ شَھر ءَ کراچی اسٹاپ ءِ ھند ءَ پاکستانی لشکر ءِ سئے گاڑیانی نشانگ کنگ ءِ ھال دیم ءَ اتکگ۔آیانی تہ ءَ دو گاڑی سر ءَ سک ءَ تُرندیں تیرگواری کنگ بیتگ۔وئیل ءِ میان ءَ سک ءَ تُرندیں تیرگواری ءِ آواز اش کنگ بیتگ۔
دومی نیمگ ءَ ضلع نوشکی ءَ اسٹیڈیم ءِ نزیک ءَ پاکستانی لشکر ءِ بُنجل ءُ بازی پانگسانی سر ءَ راکٹاں ھوار جتاھیں سلاھاں گوں نشانگ کنگ ءِ ھال اِنت۔
لشکر ءِ نیمگ ءَ جتاھیں جاھاں مارٹر گولہ آس دیگ بیتگ،کہ آیانی تہ ءَ لس آبادیں دمگ ھوار انت۔
















































