شیرانی: دو بیگواھیں کسان سالیں بچکانی لاش دست کپتگ انت

الم بوانیت

شیرانی: شاکر ھوٹل ءِ نزیک ءَ چہ کوھی جنگل ءَ بیگواہ بوتگیں دو کسان سالیں شپانک مردگی جاوراں دزکپتگ انت-

بلوچستان ءِ دمگ شیرانی ءَ شاکر ہوٹل ءِ نزیک ءَ کوھی جنگل ءَ گوستگیں روچ ءِ نیمروچ ءَ بیگواہ بوتگیں دو کسان سالیں شپانک بچک مرچی سھب ءَ مردگی ءَ دزکپتگ انت۔

بنداتی ھالانی رد ءَ زھگانی لاشانی نزیک ءَ دستی بم یا گولہ ءِ وڑیں وڑیں چیزے ھم دست کپتگ بلے زھگانی بیرانی ءِ راستیں سوب انگت زانگ نہ بیتگ ءُ نہ کہ اے درگت ءَ ھچ وڑیں گڈی پدر کنگ بوتگ۔

بیران بوتگیں زھگانی تہ ءَ یکے ءِ پجار یتیم علی خان ءِ نام ءَ بوتگ ءُ دومی ءِ پجار جمعہ گل ءِ چُک ءِ نام ءَ بوتگ۔ ھر دوئیں چُک ءِ سیادی چہ بیٹنی ٹک ءَ گشگ بیتگ۔

نوکتریں