یونائیٹڈ بلوچ آرمی ءِ جارکش مزار بلوچ ءَ رسانکدر ءَ وتی شنگ کتگیں درشانے ءَ گُشتگ کہ سرمچاراں 28 اکتوبر ءَ بولان ءَ کوئٹہ سبی مزن دگ (N-65) کڑتگ سیاہ پشت ءِ ھند ءَ دگ بندی ءُ چیک تان کتگ۔
جارکش ءِ رد ءَ اے میان ءَ بلوچ سرمچاراں ریاستی ھاسیں چاریگ ھمید مری ء جُما ھان دزگیر کتگ ءُ چہ آئی ءَ سلھیں سرپدی ءِ پٹ پول بناہ کتگ آئی ءَ مچ ،کولپور ءُ کش گُوراں ءِ ھنداں ءُ بلوچستان ءِ بازیں ضلع آں ریاستی چاریگانی ٹولیانی نشاندھی کتگ۔
جارکش ءِ رد ءَ جُست پُرس ءِ میان ءَ ریاستی چاریگ ھمید ءَ وتی کتگیں کرتوت من اِتگ انت کہ آ بازیں لشکر کشی آں ھوار ھاس شاھرگ ،یخو،ساگان ،بزگر،سارو ءُ بولان ءِ بازیں ھنداں لشکر کشی ءِ وھد ءَ تچک ءَ فوج ءِ ہیلی کاپٹراں گوں وتی ھواری من اتگ ءُ ایم آئی ءِ افسر کمال ءِ ھمراھی ءَ بی ایل اے ءِ کمانڈر شھید سگار ماما مہندو ءِ برات ءُ گھار زتک ءِ شھادت ءَ ھوار بیتگ۔
مزار بلوچ ءَ وتی درشان ءِ تہ ءَ گشتگ کہ ماما مہندو ءِ برات آرپ ءُ گھار زتک اِیسُپ ءِ آوارجنی ءُ شھادت ءَ تچک ھوار بیتگ،آرپ گاھی ھان چوک کوئٹہ ءَ چہ جند ءِ دوکان آوار جنائینتگ ءُ چیزے روچ ءَ زندانی کنائینگ ءَ پد یل کناھینتگ چیزے وھد ءَ پد آ دوبر بیگواہ کتگ۔
درشان ءَ گشگ بیتگ کہ ھمے وڑ ماما مہندو ءِ گھار زتک اِیسُپ ءِ بیگواھی پہ کمال ءِ اِیسُپ ءِ نشان دیگ ءِ ھاتر ءَ ھمید مری ڈھاڈر ءَ لوٹاھینتگ ءُ ایسُپ آوار جتگ پد ءَ ھردو ایں شھید کتگ انت۔
جارکش ءَ گشتگ کہ پٹ پول ءِ پتر گیش شاھگان کتگ ءُ چہ اشی ءَ سرپدی رستگ کہ ھمید مری ءَ ریاست ءِ دست ءَ بازیں بلوچ ورنایانی بیگواھی ءُ شھید کناھینگ ءَ ھوار جتاھیں وھداں بلوچ آجوئی لوٹوکانی چاریگی کتگ اے مرد ءَ بلوچستان ءِ ھنداں پہ ریاست ءَ کار کنوکیں چاریگانی نام پدر کتگ انت اے مرد چہ گوستگیں بازیں سالاں پاکستانی چیریں ادارہ آئی اس آئی ،ایم آئی ءُ ایف سی ءَ واستہ کار ءَ بیتگ۔
آئی گشتگ کہ اے بابت ءَ پیسر ءَ چہ بلوچ آجوئی لوٹوکیں سرمچارانی نیمگ ءَ ھمید مری ءُ آئی برات ترندی ءَ گوں کڈن کنگ بیتگ انت بلے آ چہ بلوچ آجوئی لوٹوکیں سرمچارانی چاریگی ءُ رندگیری لس مھلوک ءِ آوارجنی ءُ شھید کناھینگ ءَ تچک ءَ ھوار بیتگ انت ءُ دزکش نہ بیتگ انت ھمید مری ءُ آئی دابیں ایدگہ چاریگانی سوب ءَ گوست ءَ بازیں بلوچ ورناہ دژمن ءُ آئی ادارھانی دست ءَ کپتگ انت۔
جارکش ءَ گشتگ کوئٹہ سبی ھرنائی ءُ ضلع کچی بولان ءِ جتاھیں ھند مچ ڈھاڈر بی بی نانی ءُ کولپور ءَ اے وھد ءَ بازیں مردم پاکستانی چیریں ادارھانی واستہ کار کنگ ءَ انت لھتے بے ضمیر پہ چار کلدار ءِ ھاتر ءَ وتی راج ءَ گوں دگا کنگ ءَ انت ما اے وڑیں دراھیں مردماں گوں ترندی ءَ سرپد کنیں کہ آ زورگیریں ریاست ءِ دلاری ءُ فوجی چیک پوسٹ ءُ ریاستی دراھیں ادارھاں چہ دار بہ بنت اگاں نا وتی جان ءُ مالانی زمہ وار وت بنت۔
آئی ءَ دیمتر ءَ گشتگ کہ ما اے وڑیں دراھیں مردمانی بابت ءَ سرجمی ءَ زانت ءُ سرپدی داریں کہ آ زورگیریں ریاست ءِ ھمراہ انت اے دابیں تیوگیں مردم دائمی مئے نشانگ ءَ بنت راجی گدارانی واستہ ھچ وڑیں رھم کنگ نہ بیت۔
جارکش ءَ گُڈسر ءَ گشتگ کہ میارباریں ھمید مری ءِ ردیانی منگ ءَ پد بلوچ راجی آمیدگس ءَ ھمید مری ءَ راجی گداری ءَ میاربار من اتگ ءُ مَرگ ءِ سزا داتگ کہ آئی سر ءَ 7 نومبر ءَ کار کنگ بیتگ۔