بلوچستان ءِ دمگ نوشکی ءَ گوشت ءِ بازار ءَ تیرگواری ءَ چہ سئے مردم بیران بوتگ انت۔
بنداتی ھالانی رد ءَ گوشت ءِ بازار ءَ دو سلاہ بندیں مردماں تیرگواری کتگ ءُ جہانزیب نامیں مردمے بیران بوتگ ءُ چہ ھما جاہ ءَ تیرگواری کنوکاں درکپگ ءِ جھد کتگ بلے جاہ ءَ ھستیں مردماں دوئیں اُرش کنوک گپتگ اَنت۔
ھالانی رد ءَ پد ءَ ھواریں مردماں تیرگواری کتگ ءُ دوئیں اُرش کنوک الطاف حسین محمد عظیم ءُ زبیر احمد ء عابد حسین کشتگ اَنت۔
دمگی مردمانی رد ءَ اے وئیل ءَ سرجم ءَ سئے مردم بیران بوتگ اَنت۔ پولیس ءَ سئیں لاش نوشکی ھسپتال ءَ سر کتگ انت ۔
اے وئیل ءِ سبب، تیرگواری ءِ سبب ءُ دگہ ھال انگت ءَ پدر نہ بوتگ اَنت۔