بی ایل اے ءِ سروکی ءَ مزنیں مٹّوکی
ٹی بی پی شونگال
بلوچ لبریشن آرمی ( بی ایل اے) ءَ 3 نومبر ءَ وتی گل ءِ پتر ءَ یک گچینی مزنیں مٹی ءِ جار جنان ءَ گل ءِ مزن کمانڈ کونسل ءِ پیسلہ ءَ پد بشیر زیب نی کمانڈر اِن چیپ ءِ اگدو ءَ نہ بیت انت ۔ گل ءِ نیمگ ءَ شنگ بیتگیں جار ءِ رد ءَ سروکی ءِ گچینکاری ءَ داں کمانڈ ءِ واک سپریم کمانڈر کونسل ءِ دست ءَ داتگ انت ، کہ اے وھداں ازاروکی وھد ءَ گل ءِ جیڑہ ءُ سروکی ءِ درگت ءَ پیسلھانی زمہ وار بیت انت۔
بی ایل اے ءِ سروکی ءَ اے مٹی ایوک ءَ یک اھدے ءِ مٹی ءَ ابید گل ءِ اندری ءَ برجاھیں ادارہ سازی ءُ گل ءِ مھکمی ءِ نگاہ ءَ چارگ ءَ انت ۔ گوستگیں ھشت سالانی تہ ءَ اے سیمی رند انت گل ءِ سروکی ءَ مٹی دیم ءَ اتکگ انت ۔ گوست ءِ وئیلانی سر ءَ اگاں ٹپاسکاری بہ بیت گڑا بی ایل اے ءِ سروکی ءِ مٹ بوگ ءَ پد گل ءِ سیاسی درشان ،گل ءِ دیمروئی ءُ پرکاریاں سربرزیں دگری اتکگ انت۔
وھدیکہ گوست ءَ بی ایل اے ءِ مزن سروک ءَ مٹی اتکگ گڑا چریشی ءَ پد گل ءِ پرکاریاں ترندی ءُ دروشماں نوکیں ڈول اتکگ انت ۔ گچینی اولی رند ءَ سروکی ءِ تھی دیم ءَ برگ ءَ پد استاد اسلم بلوچ ءِ کوش ءِ وئیلاں پد گل ءِ دیم ءُ پرکاری مزنیں دگری اتکگ انت ۔ گوستگیں مٹی ءِ یک گچینی پھلوی یے ایش انت کہ بشیر زیب ءَ پد واک کجام یک ازاروکی سروکے ءَ دیگ ءَ ابید سپریم کمانڈر کونسل ءِ دست ءَ دیگ بوتگ ۔چہ ایشی ءَ زانگ بیت گل وتی سکا مزنیں جیڑھاں یک مردمے ءِ دست ءَ دیگ ءَ ابید مچانکی ادارہ سازی ءِ نزام ءَ ھلائین ایت۔
کساسی رنگ ءَ بی ایل اے ءِ گوست ءِ سروکی ءِ مٹی ءَ آئی ءِ گوستگیں ھشت سالاں گل ءِ گوستانکی یکشلی ءِ چارگ ءِ درکاری انت۔ سے رند ءَ مزن پتر ءِ سروکی ءِ مٹی ، جتا جتائیں وھداں گچینی مردمانی نہ بوگ ءُ ایشی ءَ ابید گل ءِ پتر ءِ ھست بوگ اے گپ ءِ سٹک ءَ دنت کہ نی کجام یک مردمے ءَ گوں بندوک کنگ ءَ ابید یک جھلانکیں اندری نزامے ءِ تک ءَ ھلگ ءَ انت ۔ بشیرزیب ءَ پد واک ءَ سپریم کمانڈر کونسل ءِ دست ءَ دیگ ءِ پیسلہ ھما درچ ءِ نوکیں بھرے ۔ اے گامگیج ءَ یک رندے پد ءَ تچک کتگ کہ گل ءِ آیوکیں باندات ایوک ءَ آئی ءِ سروک ءِ نام ءَ نہ انت بلکیں آئی ءِ اندری نزام ، سروک ءِ دست ءَ دیگ ءُ ادارسازی ءِ بنھشت ءَ زورگ بیت انت۔