بلوچستان ءِ دمگ لسبیلہ ءَ ٹی آر او ءِ ھند ءَ پاکستانی لشکر ءِ کاروان ءِ سر ءَ سلاہ بندیں اُرش ءِ نشانگ جوڑ کنگ ءِ اھوال دیم ءَ اتکگ۔
دمگی مردمانی رد ءَ ناشناسیں سلاہ بندیں مردماں فورسز ءِ کاروان ءِ سر ءَ اُرش کتگ کہ ایشی ءِ آسر ءَ جانی ءُ مال ءِ تاوان ءِ گمان کنگ بوگ ءَ انت۔ البت انگت ءَ تاوان ءِ دروشم ءُ بیرانی یا ٹپیانی کساس ءِ بابت ءَ لس اھوالانی رنگ ءَ پدر کنگ نہ بوتگ۔
بلوچستان ءِ دمگ لسبیلہ ءَ پیسر ءَ ھم پاکستانی لشکر ءِ کاروان ءُ گاڑی سلاہ بندیں اُرشانی نشانگ بوتگ اَنت کہ آیانی زمہ واری بلوچ آجوئی ءِ سلاہ بندیں گلاں زرتگ اَنت بلے اے وئیل ءِ زمہ واری انگت ءَ کس ءَ نہ زرتگ۔