بلوچستان ءَ دگہ مردم زورانسری بیگواہ کنگ بیتگ اَنت، وھدے کہ پنچ مردم یل بیتگ ءُ وتی لوگاں سر بیتگ اَنت-
گیشیں ھالانی چہ مستونگ ءَ 23 اگست 2026 ءِ شپ سئے ءَ علی بلوچ ء عبدالحئی ءَ پاکستانی پوج ءِ کارندھاں آوار جتگ ءُ بیگواہ کتگ-
وھدے کہ دمگ ءَ چہ سریاب دگ،کلی گوھر آباد ءَ 16 اپریل 2026 ءِ شپ دوازدہ ءَ شکیل بلوچ ء زرداد آئی ءِ لوگ ءَ چہ چیریں ادارہ (آئی ایس آئی) ءُ سی ٹی ڈی ءِ کارندھاں زورانسری بیگواہ کتگ- اے دوئیں ورنا تنی وھدے بیگواہ ءَ اَنت ءُ آئی ءِ درگت ءَ ھچ سرپدی نیست-
دومی نیمگ ءَ پنچ دگہ بیگواھیں مردم یل کنگ بیتگ ءُ وتی لوگاں سر بیتگ اَنت-
آیانی تہ ءَ سعود بشیر ء بشیر احمد، جھمنند الندور بلیدہ، کہ چار ستمبر 2026 بلیدہ، الندور ءَ بیگواہ کتگ، پنچ ستمبر ءَ یل بیتگ-
صدام بگٹی ء مھوت خان، کہ 29 اگست 2026 ءَ ڈیرہ بگٹی ٹاؤن ءَ بیگواہ کتگ، سئے ستمبر ڈیرہ بگٹی ءَ یل بیتگ-
زبیر احمد ء نور احمد کہ 30 جولائی 2026 ءَ چہ ھب چوکی ءَ بیگواہ کتگ دو ستمبر چہ ھب چوکی ءَ یل بیتگ-
امداد شاھوانی ء رؤف شاھوانی کہ 30 اگست 2026 ءَ چہ شال ءَ بیگواہ کتگ اَنت سئے ستمبر ءَ شال ءَ یل بیتگ-
جھانزیب بلوچ ء عبدالصمد کہ نُھ جولائی 2026 ءَ چہ پنجگور ءَ بیگواہ کنگ بیتگ، دو ستمبر ءَ پنجگور ءَ یل بیتگ وتی لوگ ءَ سر بیتگ-
زانگ بہ بیت کہ بلوچستان ءَ زورانسری آوار جنی ءِ گیشتریں کیس ریاستی زور، تُرس ءُ جتاجتائیں اڑانانی سوب ءَ زوت رپورٹ نہ بنت، چریشی ءِ سوب ءَ زورانسری آوار جنی ءِ تچکیں ریکارڈ دیم ءَ آؤکیں کچ ءُ کساس ءَ چہ گیش بیگ ءِ تُرس ودی کنت-