بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ سرمچاراں یک ستمبر ءَ بگر داں ھپت ستمبر ءَ 28 جتا جتائیں کاروائیان زورگیریں پاکستانی لشکر ءِ 52 کارندہ کُشتگ اَنت۔اے کاروائی پسنی، ھاران، کلات، تربت، مستونگ، سوراب، تمپ، پشین، جھل مگسی، نوشکی، چاگی ءُ شال ءَ بوتگ اَنت۔ اے کارروائیانی تہ ءَ زورگیریں لشکر ءِ چوکی ءُ گاڑیانی کنٹرول ءَ ابید مزنیں کساسے ءَ سلاہ ءُ دگہ جنگی سامان دستیگ کتگ اَنت۔ زورگریں لشکر ءِ گون ءَ جتا جتائیں جاھاں بیتگیں جنگ ءُ چوپاں بی ایل اے ءِ 12 سرمچار نمیران بیتگ انت-
جارکش ءَ گوشتگ 1 ستمبر ءَ گوادر ءِ دمگ پسنی ءِ زیرو پوائنٹ ءَ بلوچ لبریشن آرمی ءِ سرمچاراں پشت ماں پشت ءَ پولیس ءُ لیویز ءِ ھواریں پوسٹ ءَ ھوار کسٹمز ءُ کوسٹل ھائی وے ءِ چوکیانی سر ءَ اُرش کتگ ءُ سرجمی ءَ کنٹرول کتگ انت۔ سرمچاراں چہ پوسٹاں سلاہ ءُ دگہ جنگی سامان دست گرگ ءَ پد پوسٹ مانداشتگ انت ءُ تباہ کتگ اَنت۔ ھمے وھد ءَ سرمچاراں جتا جتائیں جاھاں چیک پوائنٹ جوڑ کتگ اسنیپ چیکنگ برجاہ داشتگ ءُ کوسٹل پولیس ءِ گاڑیانی تہ ءَ دیم ءَ آیوکیں زورگریں پاکستانی لشکر ءِ کوشست سرمچاراں گوں جوانیں ریپکی اُرشے ءَ بے سوب کتگ ءُ آ پُشتکنزی ءَ لاچار بوتگ اَنت۔
ھمے روچ ءَ سرمچاراں ھاران ءِ دمگ البت ءَ زورگیریں پاکستانی لشکر ءِ کاروان ءِ سربستگ ءُ نشانگ جوڑ کتگ ءُ دژمن ءَ جانی تاوانانی دیمپانی بیتگ۔ پد ءَ کلات ءِ دمگ گراڑی ءَ سرمچاراں شال ءُ کراچی ءِ مزن شھدگ ءِ سر ءَ زورگیریں لشکر نشانگ جوڑ کتگ کہ آ پہ وت ءَ بکتربندیں گاڑیاں آرگ ءَ بیتگ۔ اے اُرش ءَ زورگیریں لشکر ءَ جانی تاوان رس اتگ ءُ 3 بکتر بندیں گاڑی ھم سکا باز تاوان بوتگ انت۔
کیچ (تربت) ءِ دمگ دشت ءَ گوں پاکستانی لشکر ءَ جنگ ءُ چوپ ءِ وھد ءَ بلوچ لبریشن آرمی ءِ دو سرمچار سنگت یونس سبزل پنام ءِ ملگزار ءُ سنگت دودا پنام ءِ سرباز نمیران بوتگ اَنت۔
جارکش ءَ گوشتگ 2 ستمبر ءَ مستونگ ءِ دمگ کھڈکوچہ ءِ ’گرو‘ ءَ سرمچاراں پاکستانی لشکر ءِ بکتربندیں گاڑی یے آئی ای ڈی ءِ تراک ءَ تباہ کنگ ءَ پد کاروان ءِ سربستگ ءُ اُرش کتگ۔ اے دراج کشیں اُرش ءَ زورگیریں لشکر ءِ 4 کارندہ مرتگ ءُ 7 ءَ چہ گیش ٹپیگ بوتگ اَنت۔ دومی نیمگ ءَ کلات ءِ دمگ توک ءَ سرمچاراں زورگیریں لشکر ءِ کاروان ءِ سر ءَ سلاہ بندیں اُرش کتگ ءُ دژمن ءَ مزنیں کساسے ءَ جانی ءُ مالی تاوان داتگ۔
جارکش ءَ گوشتگ 3 ستمبر ءَ سوراب ءِ ھاجیکا ءِ دمگ ءَ بلوچ لبریشن آرمی ءِ اسپیشل ٹیکٹیکل آپریشن اسکواڈ ( ایس ٹی او ایس) ءَ پاکستانی لشکر ءِ کاروان گوں ریموٹ کنٹرول ءَ تراک ءِ آسر ءَ گاڑی نشانگ جوڑ کتگ۔ اے ترندیں تراک ءَ زورگیریں لشکر ءِ گاڑی سرجم ءَ تباہ بوتگ ءُ 7 کارندہ جاہ پہ جاہ ءَ مرتگ انت۔
ھمے روچ ءَ تمپ ءِ دمگ ملانٹ ءَ سرمچاراں زورگیریں لشکر ءِ کیمپ ءِ سر ءَ بازیں گرنیڈ لانچر آس داتگ انت ءُ دژمن تاوان داتگ۔ پد ءَ تمپ شھر ءَ زورگیریں لشکر ءِ کیمپ ءَ گوں گرنیڈ لانچراں نشانگ جوڑ کتگ ءُ مستونگ ءِ کھڈکوچہ ءِ دمگ ءَ زورگیریں لشکر ءِ کاروان ءِ سربستگ ءَ کہ ایشی ءِ تہ ءَ دژمن ءَ جانی ءُ مالی تاوانانی دیمپانی کنگ کپتگ۔
پد ءَ پشین ءِ زیارت کراس ءَ بلوچ لبریشن آرمی ءِ تیزیں ٹولی ‘فتح اسکواڈ’ ءَ زورگیریں پاکستانی لشکر ءِ کاروان ءَ ھترناک ءُ سوبمندیں اُرشے ءَ نشانگ جوڑ کتگ۔ قعلہ سیف اللہ اسکواٹس ءُ 134 ونگ آف فرنٹیئر کور ءِ چار گاڑی اُرش ءِ زد ءَ اتکگ اَنت کہ ایشانی تہ ءَ یک فوجی ٹرکے ءَ ھوار 2 گاڑی تباہ بوتگ اَنت۔ سرمچاراں 18 زورگیریں لشکر ءِ کارندہ کُشتگ ءُ آیانی سرجمیں سلاہ ءُ سامان برتگ اَنت ءُ 5 ٹپیگیں کارندہ چہ جاہ ءَ تکگ اَنت۔ کشگ بوتگیں کارندھانی تہ ءَ نائیک اسماعیل، سپاھی بلال، سپاجی عبدالرحمن، سپاھی فخر الدین، سپاھی کنکھب، سپاھی عرفان، سپاھی اکبر، سپاھی عطا محمد، سپاھی رضوان، سپاھی محمد طفیل، نائیک محمد ایوب، سپاھی اولیاس خان، سپاھی واجد علی، سپاھی محمد اشفاق، ھوالدار لطف الرحمن ءُ نائیک زین اللہ ھوار انت-
سرمچارانی دگہ ٹولی ءَ زیارت کراس ءِ کش ءُ گور ءَ خانی بابا ءَ لُٹ ءُ پلی کمپنی ءِ سر ءَ اُرش کتگ ءُ اود ءَ گاڑیاں ھوار 14 مزنیں مشینری تباہ کتگ انت۔ سرمچاراں پد ءَ کمپنی ءِ دزگیریں کارندہ گل ءِ پالیسی ءِ رد ءَ یلہ داتگ اَنت۔
جارکش ءَ گوشتگ 4 ستمبر ءَ مستونگ ءِ دمگ کھڈکوچا ءَ سرمچاراں گیریں لشکر ءِ دو کمانڈو کشتگ اَنت کہ آ دمگ ءَ دیم ءَ روگ ءِ جھد ءَ بیتگ انت۔
جارکش ءَ گوشتگ 5 ستمبر ءَ کلات ءِ دمے مھلبی ءَ، بی ایل اے، اسنائپر ءَ زورگریں لشکر ءِ یک کارندھے ھما وھد ءَ نشانگ کتگ آ شال تاں کلات ءِ بنجاھی شھدگ ءِ سر ءَ مُچ بیتگ انت- ھمے شپ ءَ مستونگ ءِ دمگ دشت ءَ سرمچاراں ترندیں جنگ ءِ وھد ءَ زورگریں پوج بازیں کچے ءَ تاوانانی دیمپان کتگ-
جارکش ءَ گوشتگ 6 ستمبر ءَ جھل مگسی ءِ کوٹرو ءَ سرمچاراں زورگریں لشکر ءِ کارمردی ءَ ھستیں ریسٹ ھاؤس گوں تراکناکیں شورواں تباہ کتگ۔ ہمے روچ ءَ سیرمچاراں قلعہ عبداللہ ءَ ھواریں دمگ غزابند ءَ زورگیر لشکر ءِ کارمرد کتگین بالی پت ءِ سر ءَ اُرش کتگ ءُ اود ءَ ھستیں کمپیوٹرز، دگہ ساز ءُ سامان ءُ ماڑی سوتکگ ءُ تباہ کتگ-
نوشکی ءِ دمگ کلی نوکجو ءَ سرمچارانی ءُ زورگیر لشکر ءِ گچینی کارندہ ءُ وتگڑیں پاٹی باپ ءِ باسک عبدالرحمان لانگو ءِ بنجل ءِ سر ءَ اُرش کتگ آ کشتگ۔ اے مرد دراجیں وھدے ءَ زورگریں پوج ءِ چیردستی ءَ ڈیتھ اسکواڈ ءِ سروکی ءَ کنگ ءَ بیتگ ءُ چاریگری ءَ بھرینگ ءُ شھریانی لوگاں بیڑ بریاں سروکی کنگ ءَ بیتگ – عبدالرحمان لانگو ءَ پوج ءِ گوشگ ءَ وتگڑیں روانک، جشنی مُچی کنائینتگ انت- چریشی ءِ پژدر ءَ زورگریں پوج ءَ آئی ءَ را دمگ ءَ زرواری، ڈکیٹی ءُ نشہ واپاری ءِ مھار یل کتگ انت-
جارکش ءَ گوشتگ 7 ستمبر ءَ شال ءِ دمگ هزار گنجی ءَ سرمچاراں، فوجی انٹیلی جنس ( ایم آئی) ءِ باسک رحمت سعید ء سعید محمد (جھمنند کرک)، تیرگواری کتگ ءُ کشتگ- اے کارندہ بی ایل اے ءِ انٹیلی جنس ونگ ‘زراب’، ءِ چم ءِ چیر ءَ بوتگ- اے کمکار رھمت ءَ زورگریں پوج ءِ واستا چاریگری ءِ ھواری ءَ دمگ ءَ زوراکی کنگ ءَ دشمن ءِ ھمراھداری کتگ-
ھمے روچ ءَ ھاران ءِ دمگ البت ءَ سرمچاراں زورگیر لشکر ءِ مزنیں بنجل ءِ سر ءَ اسنائپر اُرش ءَ یک کارندھے کشتگ ءُ کیمپ ءِ سر ءَ مارٹر گولہ آس داتگ ءُ دشمن گیش جانی ءُ مالی تاوان داتگ-
جارکش ءَ گوشتگ کلات ءِ دمگ گراڑی، مھلبی ءَ ، سرمچاراں شال کراچی شھدگ ءِ سر ءَ سیندک لٹ ءُ پلی پروجیکٹ ءِ گاڑی ءُ زورگریں ہوج ءِ کاروان اُرش ءِ نشانگ کتگ ءُ تاوانانی دیمپان کتگ انت-
ایشی ءَ پیش گوستگین ماہ ءَ مستونگ ءِ دمگ کھڈکوچہ ءَ سرمچاراں ءِ زورگریں لشکر ءِ ایجنٹ شکل احمد کٹبار (جھمنند ٹیپل) ھما وھد ءخ دزگیر کتگ آ گوں وتی ھمراھانی ھواری ءَ ملامگری ءَ بیتگ۔ شکیل ءَ اے گپ من اِتگ کہ آ ملٹری انٹیلی جنس ( ایم آئی) ءِ چانیگوار وتگڑیں ‘پاکستان زند آباد’ ءِ گل ءِ باسک اِنت۔ آئی اے گپ من اتگ کہ زورگیریں لشکر ءِ واستا چاریگری ءَ بھرینگ ءَ ھوار بیتگ- پٹ ءُ پول ءِ وھد ءَ شکیل کٹبار ءَ وتی دگہ ھمراھانی نام ءُ اھوال داتگ انت ءُ راجدروھی ءِ جرم ءَ بلوچ راجی آمیدگس ءِ پیسلہ ءِ درچ ءَ شکیل کٹبار مرگ ءِ سزا داتگ-
جارکش ءَ گوشتگ 31 اگست ءَ چاگی ءِ دمگ نوکچاہ ءَ زورگریں پوج ءِ گون ءَ ترندیں جنگ ءُ چوپ ءَ دشمن ءِ یک گچینی آفیسرے ءَ ھوار 16 کارندہ مرتگ انت ءُ بازیں کچے ءَ زدگ بیتگ انت، بی ایل اے ءِ 10 سرمچار، سنگت ظہیر مینگل پنام ءِ زاکر، سنگت اجاز احمد مینگل پنام ءِ حیات، سنگت علی نواز مینگل پنام ءِ فراز، سنگت محمد شاکر شاہوانی پنام ءِ اسمت اللہ، سنگت نور احمد نوتیزئی پنام ءِ شادین، سنگت میر علی موسی زئی پنام ءِ فیاض، سنگت عزیز احمد ماندائی پنام ءِ تنویر، سنگت نصیر احمد محمد حسنی پنام ءِ سلال، سنگت لال محمد حسنی پنام ءِ عدنان، سنگت یاسر پنام ءِ سبزو نمیران بوتگ انت۔
جارکش ءَ گوشتگ بلوچ لبریشن آرمی ڈیھ ءِ آجوئی ءِ ھاتر ءَ ندر بوکیں دراھیں شھید، سنگت یونس سبزل پنام ءِ ملگزار، سنگت دودا پنام ءِ سرباز، سنگت ظہیر مینگل پنام ءِ ذاکر، سنگت اجاز احمد مینگل پنام ءِ حیات، سنگت علی نواز مینگل پنام ءِ فراز، سنگت مھمد شاکر شاھوانی پنام ءِ اسمت اللہ، سنگت نور احمد نوتیزئی پنام ءِ شادین، میر علی موسی زئی پنام ءِ فیاض ، سنگت عزیر احمد ماندائی پنام ءِ تنویر، سنگت نصیر احمد محمد حسنی پنام ءِ سلال، سنگت لال محمد حسنی پنام ءِ عدنان، سنگت یاسر پنام ءِ سبزو ءِ دیمھونیاں گچینی لبزاں گوں شرپ ءُ شانے ءَ سھر چکیں دروت ندر کنت- ءُ اے گرانھادین شھیدانی رتکگیں ھوناں تن آپیں زمین ءِ سر ءَ ھستیں آجوئی ءِ زرمبشت ءِ جد ءُ جھد ءِ تاک دیم ءِ چراگانی چِکوکیں چمگ انت – بی ایل اے وتی شھیدانی راہ ءِ پاسداری ءَ کنان ءَ اے کول ءَ کنت زورگریں پوج ءُ لٹ ءُ پلی نوک آبادکاری منسوبگانی ھلاپ ءَ “ زرکاری بندش” ءِ پالیسی ءَ ترندی ءِ ھواری ءَ برجاہ دار ایت سرجمیں شھدگانی سر ءَ ناکہ بندی برجاہ بیت انت – بلوچ سرڈگار ءِ پھریزگ ءُ راجی مڈیانی پھریزگ ءِ واستا سرمچارانی کاروائی آجو ءُ وتواجھیں بلوچستان ءِ سرجمی ءَ ھمک تک ءَ دراھیں تاکت ءُ زور ءَ برجاہ بیت انت-