پنجگور ءِ دمگ چہ چیدگی ءَ پنچ لاش دزکپتگ انت کہ آ پہ پجار ءُ المی ئیں کانونی کارروائی ءَ ٹیچنگ ھسپتال ءَ دیم دیگ بوتگ انت۔
دمگی مردمانی رد ءَ دزکپتگیں لاشانی تہ ءَ یکے ءِ پجار پیر جان ء کچکول ءِ نام ءَ بوتگ کہ ھمے سال ءِ 10 جون ءَ پاکستانی لشکر ءَ زورانسری ءَ بیگواہ کتگ۔
دمگی مردمانی رد ءَ دگہ لاشانی پجار نہ بوتگ انت۔ دمگی مردمانی گشگ انت کہ دزکپتگیں درستیں پنچیں لاش ھما مردمانی انت کہ پاکستانی لشکر ءَ زورانسری ءَ بیگواہ کتگ انت بلے اے درگت ءَ گیشیں پٹ ءُ پول برجاہ انت-
زانگ بہ بیت گوستگیں وھداں بلوچستان ءِ جتا جتائیں دمگانی تہ ءَ لاشانی دست کپگ ءِ بازیں کیس دیم ءَ اتکگ انت کہ ایشانی تہ ءَ لھتے ھما مردمانی پجار زورانسری ءَ بیگواھیں مردمانی ناماں بیتگ انت-