بلوچستان ءِ دمگ کیچ ءَ سلاہ بنداں آپریشن ءَ دزبندیں کارندھانی سر ءَ اُرش کتگ-
بلیدہ ءِ دمگ گردانک ءُ کش ءُ گوراں پاکستانی لشکر ءَ مروچی سھب ءَ آپریشن بندات کتگ کہ ایشی ءِ تہ ءَ مزنیں کساسے ءَ پیادگیں کارندہ بھر زورگ ءَ اَنت ءُ بازیں جاھاں کواڈ کاپٹراں گون ءَ گولھانی آس دیگ ءِ ھال انت-
سلاہ بندیں مردماں آپریشن ءَ ھواریں کارندہانی سر بستگ ءُ اُرش کتگ کہ ایشی ءِ آسر ءَ لشکر ءَ تاوان رس اتگ۔ اے درگت ءَ انگت ءَ واکداراں ھچ وڑیں ھال ءُ اھوال نہ داتگ۔
زانگ بہ بیت گوستگیں روچ ءَ ھمے دمگ ءَ تراک ءِ تہ ءَ پاکستانی لشکر ءِ کاروان ءِ گاڑی ناشناسیں مردمانی نشانگ جوڑ کتگ ات ۔ تراک ءِ آسر ءَ گاڑی سرجم ءَ تباہ بوتگ ءُ لشکر ءَ مزنیں کساسے ءَ جانی تاوانانی ھال رس اتگ انت۔