شال ءَ موبائل نیٹ ورک ءُ موبائل انٹرنیٹ سروسز اناگت ءَ مھتل کنگ بوتگ انت، سروسز ءِ مھتل کنگ ءِ ھوالگ ءَ واکدارانی نیمگ ءَ انگت ءَ ھچ وڑیں سرکاری جار ءُ سبب دیم ءَ آرگ نہ بوتگ انت۔
موبائل فون ءُ انٹرنیٹ ءِ سروس نہ ایوک ءَ شال ءَ بند کنگ بوتگ انت بلکیں بلوچستان ءِ دگہ بازیں دمگ چمن، پشین، قلعہ سیف اللہ، لورالائی، سبی، بارکھان، نصیر آباد مستونگ، قلات، سوراب، حب ءَ ہم بند کنگ بوتگ انت۔
زانگ بہ بیت کہ پیسر ءَ بلوچستان ءِ جتا جتائیں مزنیں ءُ ھاسیں شھرانی تہ ءَ صوبائی واکداراں سیکورٹی ءِ جیڑھانی رد ءَ کرفیو ءِ جار جتگ ءُ بازیں شھرانی تہ ءَ دکان ءُ بازاراں شپ ءِ شش ءَ بند کنگ ءِ پرمان داتگ۔
شال ءِ شھر ءَ بلوچ لبریشن آرمی ءِ نیمگ ءَ اُرش ءِ بیم ءِ رد ءَ پولیس ءَ گیش ءَ چہ گیش کارندہ داشتگ ءُ تربت ءَ دفعہ 144 جنگ بیتگ۔