بلوچستان ءِ دمگ پنجگور ءِ ھند چیدگی ءَ پوجی آپریشن ءُ جتاجتائیں ھندانی سر ءَ مارٹر
گولہ آس دیگ ھال ھم دیم ءَ اَتکگ-
دمگی اِھوالکار ءِ رِد ءَ چیدگی ءُ آئی ءِ ھمگرنچیں دمگاں پاکستانی پوج ءِ نیمگ ءَ چہ کاروائی برجاہ ءَ اِنت- کاروائی ءِ میان ءَ جتاجتائیں ھندانی سر ءَ مارٹر گولہ ءِ آس دیگ ھال اِنت-
اِھوالکار ءِ گوشگ اِنت کہ کاروائی ءِ میان ءَ ڈرون بالگرد ھم گندگ بیتگ اَنت ءُ ڈرون اُرش ءِ ھال دیم ءَ اَتکگ- بلے اُرش ءِ آسر ءَ بیتگیں جانی ءُ مالہ تاوان ءِ درگت ءَ ھچ وڑیں پدری نہ بیتگ-