بلوچ لبریشن آرمی ءِ جارکش جیئند بلوچ ءُ شنگ کتگیں درشان ءَ گوشتگ فدائی یونٹ مجید بریگیڈ ءُ پیشگامیں فتح اسکواڈ ءَ گوادر ءِ تیابدپی شھر جیونی پانوان ءَ زورگیریں پاکستانی لشکر، کوسٹ گارڈ ءُ انٹیلی جنس ایجنسیانی یکجاھیں فوجی بنجل ءِ سر ءَ یک ھمگرنچ ءُ سوبمندیں فدائی اُرشے کتگ۔ اے جنگ بی ایل اے ءِ مزنیں لشکری تَک ”زرپھازگ“ ءِ ششمی بھر ءِ برجاھی اِنت۔ اے سوبمندیں جنگ ءَ تاں انوگ ءَ پنجاب رجمنٹ ، کوسٹ گارڈ ءُ فوجی انٹیلی جنس ایجنسی (ایم آئی ءُ آئی ایس آئی) ءِ 30 ءَ چہ گیش کارندہ مرتگ ءُ درجناں مردم سک ٹپیگ بوتگ انت۔
جارکش ءَ گوشتگ ٹارگٹڈ فوجی بنکل چہ جیونی شھر ءَ 10 کلومیٹر دور پانوان ءَ پہ تیابدپی پٹی ءِ چاریگری ءَ جوڑ کنگ بوتگ کہ زورگیریں ریاست ءِ سکیں گچینی بنجلے بوتگ۔ اے یکجاھیں بنجل ءِ تہ ءَ پاکستان کوسٹ گارڈ ءِ سیمی بٹالین ءُ پنجاب رجمنٹ ءِ سی ءُ دومی یونٹ ءِ بیست ءَ چہ گیش سرجم ءَ فوجی کارندہ گوں زورگیریں لشکر ءِ انٹیلی جنس ایجنسی ، ملٹری انٹیلی جنس (ایم آئی) ءُ آئی ایس آئی ءِ گچینی کارندہ جاڑیگ بوتگ انت چہ دائمی رنگ ءَ لٹ ءُ پُل ءَ بلوچ زِر ءِ ناکہ بندی ءُ نوک آبادی ءِ کاروائیانی کنٹرول اش کتگ انت-
جارکش ءَ گوشتگ گوستگیں بیگاہ ءِ درست شش ءُ نیم ءَ مئے فدائی یونٹ مجید بریگیڈ ءِ فدائی سرمچار عطا اللہ بلوچ پنام ءِ اجمل ءَ مزدا گاڑی یے کہ چہ تراکناکیں شورواں بار بوتگ ، بنجل ءِ تہ ءَ سوبمندیں رنگے ءَ برتگ ءُ سرجمیں فوجی بندش ءُ پھریزی تَک پروشتگ انت ءُ وت ءَ سر کتگ۔ اے بے دروریں زورداریں فدائی تراک ءِ سان ءِ چیر ءَ بنجل ءِ مھکمیں ماڑی دمان ءَ ھاکاں جھلاد بیتگ ءُ تباہ بوتگ ءُ اود ءَ دژمن ءِ سرجمیں جنگی سامان ھاک ءُ پر بوتگ انت۔ فدائی اُرش ءَ چہ پد مئے ھاسیں یونٹ فتح اسکواڈ ءَ سکیں تیزیں رپتار ءَ دیم ءَ شُتگ ءُ شوربندی بندیں رد ءَ چہ ھر نیمگ ءَ تباہ بوتگیں کیمپ ءِ سر ءَ اُرش کتگ۔ فتح اسکواڈ ءِ سرمچاراں زورگیریں لشکر ءِ رند ءِ کارندہ کہ بنجل ءِ نزیک ءَ تراک ءَ چہ زندگ بوتگ اَنت نشانگ جوڑ کتگ ءُ آ جاہ پہ جاہ ءَ کشتگ اَنت۔
جارکش ءَ گوشتگ اے فدائی اُرش ءَ ھموار کنوکیں بی ایل اے ءِ مجید بریگیڈ ءِ فدائی سنگت عطا اللہ بلوچ پنام ءِ اجمل ء محمد عظیم ءِ جھمنند نیگبنداپ رخشان پنجگور ءَ۔ بیست سالی ئیں فدائی سرمچار وانندہ ءُ مزنیں سیاسی ءُ آشوبی زانشت ءَ گوں بندوک بیتگ۔ 29 اگست 2024 ءَ گل ءَ ھوار بوتگ ءُ پنجگور، کیلکور، پروم ءُ واشک ءِ گرانیں جنگی میداناں دژمن ءِ ھلاپ ءَ ارزشتی ایں ھزمت کتگ۔ پد ءَ پہ ماتیں گلزمین ءِ آجوئی ءِ گچینی ءِ کار ءَ گوں کمکاری ءَ مجید برگیڈ ءَ ھوار بوتگ ءُ دژمن ءِ سر ءَ اے گوستانکی اُرش کتگ۔ سنگت عطا اللہ بلوچ ءِ اے ابدمانیں کُربانی ءُ آئی ءِ کُربانی ءِ مشن، بلوچ راجی زرمبش ءِ راجدپتر ءِ یک رژنائیں دپترے۔ بیست سال ءِ نازرکیں عمر ءَ فدائی سرمچار ءَ زمین ءِ ھاترا ھما بے مٹیں جزم ءُ راستیں مھر ءِ درشانی کتگ کہ زیردستیں راجانی آجوئی ءِ جنگانی تہ ءَ یک بنھشتے یے ۔ بارود ءِ باریں گاڑی یے زورگ ءُ دژمن ءِ سر ءَ پہ آس ءُ کھر ءُ زمین ءِ آجوئی ءِ ھاترا وت ءَ کربان کنگ ھما نزریاتی برشانی ءِ منانک اِنت کہ مجید بریگیڈ ءِ فدائی سرمچاراں دژمن ءِ ترس ءُ بیم ءِ آماچیں پگار داریں پوجیاں چہ جتا کنت۔ سنگت عطا اللہ بلوچ ءِ بے دروریں مزنی ءُ بھادری ءَ سلام پیش کن ایں ءُ گوں آئی ءِ ھوناں روک کتگیں اے چراگ داں آجوئی ءِ سھبگ ءَ روک مان ایت۔
جارکش ءَ گوشتگ بلوچ لبریشن آرمی اے راجدپتری جنگ ءُ آپریشن زرپھازگ ءِ اے ششمی بھر ءِ وسیلگ ءَ یک رندے پد ءَ زورگیریں پاکستان ءُ آئی ءِ سرجمیں نوآبادیاتی شریکاں اے گپ ءَ پدر کنگ لوٹ ایت کہ بلوچ زمین ءُ زر ءِ سر ءَ فوجی بندش ءُ وسیلگ ءِ لٹ ءُ پُل ھچ وڑیں جاوراں برداشت کنگ نہ بیت۔ جیونی ءَ دژمن ءِ یکجائی فوجی بنجل ءِ سر ءَ اے تاکتداریں اُرش اے گپ ءِ منانک اِنت کہ مئے زورداریں رھبند نوں دژمن ءِ ھیال ءَ چہ گیش ھونریچ بوتگ۔ زورگپتیں بلوچستان ءِ سرجمیں آجوئی ءُ زورگریں پوج ءِ گڈی سپاھیگ ءِ درکپگ ءَ لشکری کارجاہ، جاسوسی بنجل ءُ نوآبادیاتی شوربندیانی سر ءَ مئے اے دابیں اُرش یکشل ءُ ترندی ءَ برجاہ بنت ءُ زورگریں پوج ءِ واستا زمین تنک کنگ بیتگ ءُ پراھی ءَ ھچجاہ پشت نہ کپ ایت-
جارکش ءَ گوشتگ دراھیں میان اُستمانی ءُ دمگی زرکاراں ترندی ءَ گوں اے بیھار دیگ بیت کہ آ زورگریں پاکستانی ریاست ءِ گون ءَ ھوار بوگ ءُ بلوچ مڈیانی لٹ ءُ پل ءُ سیکیورٹی شوربندیانی بھرگ بوگ ءَ گستا بہ بنت پرچا مئے جنگ تچک انت ءُ بی ایل اے ءِ گور ءَ اے نیٹورک ءِ دِرگ ءَ مزنیں کرد ھست انتِ کہ ھرچی بلوچ ءِ مرزی مرزی ءِ ھلاپ بیت مئے پتر ءَ ھواریں ھزارانی ورنا وتن ءِ آجوئی ءِ واستا وتی ساہ ءُ سرانی پیش کنگ ءَ تیار انت ھمے واستا دشمن ءِ واستا شَری ھمیش انت زوت اَچ بلوچستان ءَ وتی گاماں در بہ کنت اگاں ناں آیوکیں روچ پہ آئی ءَ سکا ترند بنت انت-