فیفا ورلڈ کپ 2026 ءِ راؤنڈ 32 ءِ گڈی گوازی مصر ءُ آسٹریلیا ، ارجنٹیا ءُ کیپ ورڈی ، کولمبیا ءُ گھانا ءِ میان ءَ بوتگ انت کہ ارجنٹینا ءَ 3-2 ، کولمبیا یک ءُ مصر ءَ پیلانٹی شوٹ ءَ وتی گوازی کٹ اتگ ءُ راؤنڈ آف 16 ءَ سربوگ ءَ سوبمند بوتگ انت ۔
مصر ءِ لیبیاں جوانی ءَ گوازی کنان ءَ آسٹریلیا پلانٹی شوٹ ءَ پروش داتگ ءُ اولی رند ایں کہ مصر ورلڈ کپ ءَ پری کوارٹر فائنل ءَ سربوگ ءَ سوبمند بوتگ ۔
مروچی بوتگیں دومی گوازی ارجنٹینا ءُ کیپ ورڈی ءِ میان ءَ بوتگ کہ ارجنٹیا ءَ کیپ ورڈی ءِ دیم ءَ 3-2 گول ءَ گوازی کٹ اتگ ۔ اولی رند ءَ ورلڈ کپ ءَ بھر زوروکیں کیپ ورڈی ٹیم پروش داتگ ءُ پری کوارٹر فائنل ءَ سربوتگ ۔
ارجنینا ءِ نیمگ ءَ اولسر ءَ لیونل میسی ءَ گول ءِ داتگ کہ گوازی 59 منٹ ءَ کیپ ورڈی ءِ لیبی ڈوآرٹے ءَ گول موک اتگ ءُ ھردو ٹیم داں گوازی ءِ گڈ سر ءَ دیمیگ بوتگ انت ۔ گیشیں وھد ءِ تہ ءَ ارجنٹینا ءِ لیبی لیسانڈرو دگہ یک گولے داتگ کہ کیپ ورڈی ءِ نیمگ ءَ سڈنی ءَ دوبر اے گول موک اتگ ۔ بلے گیشیں وھدے دومی ھاپ ءَ ارجنٹینا ءِ لیبی ڈنی بورگس ءَ باجبری ءِ گول داتگ گوازی کٹ اتگ ۔
مروچی بوتگیں سیمی گوازی کولمبیا ءُ گھانا ءِ میان ءَ بوتگ کہ کولمبیا ءَ یک گولے ءَ گوازی کٹ اتگ ۔ کولمبیا ءِ نیمگ ءَ داتگیں گول جون آریاس ءَ گوازی ءِ 14 می منٹ ءَ داتگ پدا داں گوازی ءِ گڈسر ءَ ھچ نیمگءَ گول اسکور کنگ نہ بوتگ ءُ کولمبیا ءَ یک گولے ءَ گوازی کٹ اتگءُ وت ءَ پری کوارٹر فائنل ءَ سرکتگ ۔