بلوچستان ءِ دمگ پنجگور ءَ شھدگ ءِ سر ءَ سلاہ بندیں مردماں وتی کنٹرول کتگ ءُ ٹرالر ءُ پورسز نشانگ جوڑ کتگ۔
پنجگور چیدگی راہ ءِ سر ءَ سلاہ بندیں مردماں ٹرالرانی سر ءَ اُرش کتگ کہ ھمے فورسز ھم نشانگ جوڑ کنگ بوتگ اَنت۔
اھوالانی رد ءَ 7 ٹرالر تیرگواری ءُ سوچگ ءُ تباہ کنگ بوتگ اَنت وھدے کہ گوں لشکر ءَ تیرگواری بوتگ بلے ھچ وڑیں تاوان ءِ ھال نیست۔
زانگ بہ بیت کہ بلوچستان ءِ ایندگہ شاھدگامی وڑ ءَ پنجگور چیدگی راہ ءِ سر ءَ مڈی ءُ اے دگہ مزنیں گاڑیانی سر ءَ یکشل ءَ اُرشانی دیمپانی انت۔
چہ ایشی ءَ پیش بلوچ لبریشن آرمی ءَ چیدگی راہ سر ءَ گاڑیانی سر ءَ اُرشانی زمہ واری ءَ زرتگ اَنت ۔ اے ماہ ءِ بندات ءَ بی ایل اے ءَ دو روچ ءَ یکشل ءَ راہ بند کتگ ات کہ ایشی ءِ تہ ءَ شش گاڑی نشانگ جوڑ کنگ بوتگ انت۔