فیفا ورلڈ کپ گوازی برجاہ ، مروچی آسٹریا ءَ جورڈن ءِ دیم ءَ سے ، ارجنٹینا ءَ الجیریا ءِ دیم ءَ سے ، فرانس ءَ یک پہ سے ءُ ناروے ءَ عراق ءِ دیم ءَ یک پہ چار گول ءَ گوازی کٹ اتگ انت ۔
آسٹریا ءَ اردن یک پہ سے گول ءَ گوازی کٹ اتگ ۔ آسٹریا ءِ نیمگ ءَ اولی گول اسکمڈ ءَ داتگ وھدیکہ دومی گول یزان ءُ سیمی گول مارکو ءَ داتگ اردن نیمگ ءَ یک گولے دیگ بوتگ کہ علی الوان ءَ داتگ ۔
دومی گوازی ءَ ارجنٹینا ءَ الجزائر دیم ءَ سے گول داتگ ۔ ارجنٹینا ءِ نیمگ ءَ ھر سئین گول ارجنٹینا ءِ کپٹن لیونل میسی ءَ داتب انت ءُ ھیٹرک کتگ ۔
ورلڈ کپ ءِ گوستانک ءَ میسی ءَ اولی رند ایں کہ نہ بوتگیں( ھیٹرک) کتگ اشی ءَ ھوار ورلڈ کپ 27 گوازی ءَ 16 گول داتگ ءُ جرمنی ءِ لیبی میروسلاو ریکارڈ ءَ ھمبرابری کتگ ۔
سیمی گوازی ءَ فرانس ءَ سینگال ءِ دیم ءَ یک پہ سے ءَ گوازی کٹ اتگ ۔ اولی آپ ءَ ھردو ٹیماں ھچ گول دات نہ کتگ دومی آپ ءَ کیلیان ایم باپے ءَ فرانس ءِ نیمگ ءَ اولی گول داتگ دومی گول بارکولا داتگ ءُ پدا سینگال ءِ نیمگ ءَ یک گولے دیگ بوتگ کہ ابراھیم ءَ داتگ ۔ فرانس ءِ نیمگ ءَ سیمی گول پدا ایم باپے ءِ داتگ ۔
چارمی گوازی ءَ ناروے ءَ عراق ءِ دیم ءَ یک پہ چار گول ءَ گوازی کٹ اتگ ناروے ءِ نیمگ ءَ ایرلنگ ءَ دو گول داتگ کہ پدا عراق ءِ نیمگ ءَ ایمن حسین ءَ یک گول ءِ داتگ ۔ پدا دومی ھاپ ءَ دو گول دیگ بوتگ ءُ ھمے وڈ ناروے ءَ عراق ءِ دیم ءَ چار گول ءَ گوازی کٹ اتگ ۔