کیچ : پاکستانی پوج ءِ تیرگواری ءَ دو اوگان باھوٹی بیران ، دو ٹپی

بلوچستان ءِ دمگ کیچ ءِ ھند دشت ءَ پاکستانی پوج ءِ تیرگواری ءَ چہ دو مردم بیران بیتگ اَنت ءُ دو ٹپی بیگ ھال اِنت-

دمگی اِھوالکار ءِ رِد ءَ اے وئیل ھما وھد ءَ بیتگ وھدے یک گاڑی ءَ سواریں مردمانی سر ءَ پاکستانی پوج ءِ کارندھانی نیمگ ءَ تیرگواری کنگ بیتگ-

بنداتی ھالانی رِد ءَ ٹاہ دیگ بیگ ءَ اِنت کہ گاڑی ءَ سواریں مردم اوگان باھوٹی بیتگ اَنت، بلے سرکاری نیمگ ءَ اے گپ راست کنگ نہ بیتگ-

واکدار نیمگ ءَ چہ وئیل سوب، تیرگواری یا کہ ھمگرنچیں مردمانی درگت ءَ ھچ وڑیں سرپدی ءِ درگت ءَ ھچ وڑیں درشان شنگ نہ کتگ- چریشی ءِ سوب ءَ جاورھال تنی وھدے پدر نہ اِنت-

اِھوالکار ءِ گوشگ اِنت کہ ٹپی ئیں مردم زوت نزیکیں نادُراھجاہ ءَ برگ بیتگ اَنت اود ءَ آیاں الاج کنگ اَنت-