بلوچستان ءُ کراچی ءِ جتا جتائیں دمگاں چہ زورانسری ءَ بیگواہ کنگ بوتگیں دگہ 6 مردمانی یل کنگ ءِ ھال دیم ءَ اتکگ کہ جتا جتائیں وھداں بندیگ کنگ ءَ پد یل کنگ بوتگ اَنت۔
ھالانی رد ءَ چہ خضدار ءِ دمگ نال ءِ نندوکیں لیاقت علی جمعہ خان 3 مارچ 2026 ءَ زورانسری ءَ بیگواہ کنگ بوتگ ءُ یک ماھے ءَ پد 4 اپریل 2026 ءَ نال ءَ یل کنگ بوتگ۔
ھمے رنگ ءَ کیچ ءِ دمگ گوکدان تربت ءِ اکرم ء حاجی عیسٰی 18 اپریل 2026 ءَ دزگیر کنگ ءَ پد بیگواہ بوتگ ءُ 29 اپریل 2026 ءَ ڈی بلوچ تربت ءَ یل دیگ بیتگ۔
خضدار ءِ دمگ سرداری نال ءِ نندوکیں عبدالستار ء جان مھمد 29 اکتوبر 2025 ءَ زورانسری ءَ بیگواہ کنگ بوتگ کہ بازیں وھدے ءَ پد 30 اپریل 2026 ءَ نال خضدار ءَ یل کنگ بوتگ۔
کراچی ءِ دمگ ماڑی پور ءِ نندوکیں سیلان بلوچ ء صابر 23 مئی 2025 ءَ بیگواہ کنگ بوتگ کہ آئی ءَ را نزیک ءَ یک سالے ءَ پد یکم مئی 2026 ءَ ٹاور صدر کراچی ءَ یل دیگ بیتگ۔
نوشکی ءِ دو مردم بلال ء عبدالحق ءُ محمد عابد ء نور محمد 9 ءُ 10 اپریل 2026 ءَ زورانسری ءَ بیگواہ کنگ بوتگ اَنت کہ 29 اپریل 2026 ءَ نوشکی ءَ یل کنگ بوتگ اَنت۔