شال ءِ سینٹرل پولیس کارگس بلوچستان ءَ یک شیواری ٹاھے شنگ کتگ کہ آئی ءِ تہ ءَ بلوچستان ءُ کراچی ءَ سلاہ بندیں اُرش ءِ بوت کنوکیں ترسانی بابت ءَ سرپد کنگ بوتگ۔
پولیس ءَ الرٹ ءِ تہ ءَ ٹاہ داتگ کہ انٹیلی جنس ءِ ھالانی رد ءَ بی ایل اے ءِ سروکی بلوچستان ءُ کراچی ءَ ھیروپ تھری نامیں نوکیں آپریشن ءِ رد ءَ اُرشانی منسوبگ بندی کنگ ءَ اِنت۔
واکداراں گوشتگ کہ گمانی ٹارگٹ فوجی بنجل، پٹرول پمپ، بینک، پولیس اسٹیشن ءُ دگہ ادارہ بوت کن انت۔
اُرشانی دروشم ءِ بابت ءَ رپورٹ ءَ گْوشتگ کہ اے اُرشانی تہ ءَ وت کُش اُرش کنوک کارمرد کنگ بوت کن اَنت وھدے کہ سلاہ بندیں گل ءَ ھاسیں جاھانی پجار (نگرانی) ھم سرجم کتگ۔
آئی جی بلوچستان ءِ کارگس ءَ درستیں سیادی داروکیں ڈی آئی جی ءُ ایس ایس پی پرمان داتگ کہ آ وتی دمگاں سکیں سیکورٹی بندوبست بہ کن اَنت دانکہ ھچ وڑیں نا شریں وئیل مہ بیت۔
دراھیں آپسراں پرمان دیگ بیتگ آ سیکیورٹی ءِ درگت ءَ چِست بیتگیں رپورٹ 5 روچ ءِ تہ ءَ سینٹرل پولیس ءِ آفس ءَ دیم ءَ بیار انت ئِے-