جھاؤ، تربت ءُ چاگی ءَ پاکستانی پوج ءِ سر ءَ اُرشانی زمہ واریاں من ایں – بی ایل ایف

بلوچستان لبریشن فرنٹ ءِ جارکش میجر گوھرام بلوچ ءَ گوشتگ کہ سرمچاراں 6 مارچ ءِ بیگاہ ءَ جھاؤ ءِ دمگ گزی ءَ برجائیں پاکستانی پوج ءِ چوکی ءِ پھازداری کنوکیں کارمند گوں اسنائپر ءَ نشانگ کتگ۔ چہ ایشی ءِ آسر ءَ کارندہ ھما جاہ ءَ مرتگ۔

آئی ءَ گوشتگ کہ یک دگہ کاروائی یے چاردہ مارچ 2026 ءَ سرمچاراں تربت ءَ بالی پٹ ءِ پھازداری کنوکیں پاکستانی پوج ءِ چوکی ءِ سر ءَ دز بمب اُرشے کتگ۔ دز بمب چوکی ءِ تہ ءَ کپتگ کہ چہ ایشی ءِ آسر ءَ چوکی ءَ ساڑی ئیں کارندھاں جانی ءُ مالی تاوان بوتگ۔

جارکش ءَ گوشتگ کہ ھمے روچ ءَ یک دگہ کاروائی یے سرمچاراں تربت ءِ شھر ءَ چوگان کنڈگ ءَ پولیس ءِ گشتی ٹولی انگیر کتگ ءُ آیانی سلاہ پل اِتگ اَنت۔ چہ آیاں سَے سرکاری توپک گوں میگزیناں ءُ سرکاری گاڑی دستیگ کتگ۔ گل ءَ انسانیت ءِ بنیاد ءَ دزگیر کتگیں کارندہ سرپد کتگ ءُ یل داتگ اَنت۔

آئی ءَ گوشتگ کہ یک دگہ کاروائی یے سرمچاراں 13 مارچ ءَ 2026 ءَ چاگے ءِ دمگ وڈھ ءَ مادن درگیجوکیں کمپنی ءِ کارندہ دزگیر کتگ اَنت۔ آیانی کر ءَ ایریں سرکاری سلاہ دستیگ کتگ ءُ آیانی گاڑی تاوان داتگ ءُ کارندہ انسانی ھمدردی ءِ بنیاد ءَ سرپد کتگ ءُ پہ سلامتی ءَ یل داتگ اَنت۔

آئی یَ گوشتگ کہ مادن شوھاز کنوکیں ءُ آدگہ کمپنیاں تچک کن ایں کہ آ بلوچستان ءِ مڈیانی درگت ءَ وتی پرکاریاں بہ دار اَنت۔ اگاں نا گڑا وتی جانی ءُ مالی تاوانانی زمہ وار وت بہ بنت-