آپریشن ھیروپ ءِ یک سالے ءِ سرجم بوگ ءَ بلوچ لبریشن آرمی ءِ آفیشل چینل ھکل ءِ نیمگ ءَ یک ڈاکیومنٹری ءِ شنگ ءُ تالان بیتگ – ڈاکیومنٹری ءَ بی ایل اے ءِ آپریشن ھیروپ ءِ کار ءُ کسب، رنگ ءُ دروشم ءُ مول ءُ مراد گپ ءُ تران کنگ بیتگ انت- اے ڈاکیومنٹری ءَ بی ایل اے ءِ آپریشنل کمانڈرانی لیکھاں ھوار بی ایل اے ءِ سروک بشیر زیب بلوچ ءِ درشان ھوار انت-
بی ایل اے ءِ سروک بشیر زیب بلوچ ءَ گوشتگ یک سالے ءَ پیش ما آپریشن ھیروپ ءِ بندات کتگ بیتگ ما بس دشمن ءِ سر ءَ اُرش نہ کتگ ما گوستانک ءِ دلبند ءَ یک جارانکی ءِ کتگ کہ اے زمین مئیگ انت ءُ ھروھد ءَ مئیگ بیت انت – ما وتی گام اے سرزمین ءِ ھاک ءِ سر ءَ اے ستک ءَ ایر کتگ کہ مئے ھونانی ترمپ ترمپ اے سرڈگار ءِ آپانکی ءُ آجوئی ءِ نھاد انت-
بلوچ لبریشن آرمی ءِ سروک بشیر زیب بلوچ ءَ گوشتگ ھیروپ مئے تاکت ءِ درشانی نہ انت بلکیں مئے ساہ ءَ گوں بندوک انت، مئے یکجاھی ءِ جارانک انت – مئے گامگیج ءُ رھبندانی ھیلکاری انت-
آئی ءَ گوشتگ ما دشمن آئی ءِ بنجلانی توک ءَ لرزینتگ، آئی ءِ دگانی سر ءَ سنسان کتگ، آئی ءِ باندات ءِ واب ترس ءِ ھاک ءِ مھمان کتگ انت-
بشیر زیب بلوچ ءَ گوشتگ مروچی یک سالے ءَ پد ما ھما راہ ءِ دیم ءَ جنزگ ءِ واستا ساجو انت – آپریشن ھیروپ ٹو مئے گوستانک ءِ ھما در بیت انت کہ دشمن ءِ سر ماں ھاکاں سک بیت ءُ مئے ھاکمی ءِ بندات نبشتگ کنگ بیت انت- بی ایل اے ءِ سروک ءَ گوشتگ ما گیشتر ساجو انت – گیش یکجاہ انت، گیش ترندجان انت – اے جنگ تھنا بارود ءُ تیر ءِ نہ انت اے جنگ اَزم ءُ ارادھیگ انت، اے جنگ ءُ رھبند ءُ دیمھونیانیگ انت-
آئی ءَ گوشتگ ما یک جسم، یک توار، یک مارشت انت دانکہ مئے جان ءَ ساہ مان انت ءُ مئے چماں روک ھست ما نہ اوشت انت، نہ پروش ایں بھا نہ بہ ایں – آ روچ دور نہ انت دشمن ءِ بیرک اے سرزمین ءَ گوجگ ءُ دور دیگ بیت ءُ مئے ھاک وتی زھگانء ھوناں گوں شرپ ءَ مانپوش ایت-
زانگ بہ بیت آپریشن ھیروپ ءَ بلوچ لبریشن آرمی ءَ بلوچستان ءِ چاردہ دمگ پد ماں پد ءَ اُرش کتگ ءُ دراھیں بنجاھی شھدگ، بازیں پولیس ءُ لیویز کارگس دستیگ کتگ انت ءُ پورسز ءِ سلاہ پچگپتگ انت ءُ کلات، بولان، کیچ ءُ دگہ جاھاں پورسز ءَ ترندین اُرشانی دیمپانی کنگ کپتگ-
اے آپریشن ءِ مزنیں اُرش بیلہ ءَ پاکستانی پوج ءِ بیڈکوارٹر ءَ بی ایل اے ءِ مجید بریگیڈ ءَ کتگ- اُرش ءِ بندات سیمی بلوچ زالبول فدائی ماھل بلوچ ءَ بارود ءَ پُریں گاڑی ءَ ھیڈکوارٹر ءَ میڑینتگ ءُ تراک کتگ-