پنچ جتاجتائیں کاروائیانی زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ زامران ھال اھوال نزام ، مستونگ ءَ پولیس ءُ کیمرہ سر ءَ اُرش کیچ ءَ ڈیتھ اسکواڈ کارندھانی کوش زمہ واری منّ اِتگ اَنت-

جارکش ءَ گوشتگ 29 جولائی ءَ زامران ءَ ھال اھوالی ٹاور ءُ مشینری اُرش ءِ نشانگ کتگ ءُ مزنیں کچے ءَ تاوان داتگ اَنت-

جارکش ءَ گْوشتگ کہ دگہ یک کاروائی یے گل ءِ چیریں ونگ ءِ ھالانی بُنیاد ءَ کاروائی کنان ءَ بلوچستان لبریشن فرنٹ ءِ سرمچاراں سی جولائی ءِ شپ ءِ نُھ ءَ تربت ءِ دمگ شھرک ءَ ڈیتھ اسکواڈ ءِ کارندہ توحید شفیق اُرش ءِ نشانگ کتگ ءُ کُشتگ-

جارکش ءَ گوشتگ کہ توحید شفیق سلاہ دور داتگیں سنیل پنّام ءِ درو ءِ برات بیتگ، دوئیں براتاں بلوچ ورنایانی زورانسری آوار جنی ءُ کوش ءَ تچکی ءَ زورگریں پاکستانی پوج ءِ ھمراھی ءَ کمکاری کتگ – بلوچ چُکچینی ءَ آئی ءِ تچکی ءَ ھوار بیگ ءِ سوب ءَ سرمچاراں آ نشانگ کتگ-

جارکش ءَ گوشتگ کہ یک اگست ءَ بلوچستان لبریشن فرنٹ ءِ سرمچاراں گل ءِ چیریں ونگ ءِ ھالانی بُنیاد ءَ زوت کاروائی کنان ءَ کیچ ءِ بُنجاھی شھر تربت ءِ دمگ آسکانی بازار ءَ کشندہ ٹولی ءِ دگہ یک پُرکاریں باسک شیر جان ء کچکول جھمنند کولواہ، بلور ھال آسکانی بازار آبسر اُرش ءِ نشانگ کتگ چریشی ءِ آسر ءَ ڈیتگ اسکواڈ ءِ کارندہ شیر جان جاہ پہ جاھی مرتگ ءُ آئی ءِ ھمراھی ءَ برات ھم ٹپی بیتگ- زانگ بہ بیت شیر جان پنچ شال ءَ چہ گیش اِنت کہ پاکستانی پوج ءِ ھمراھی ءَ سرمچارانی اوتاکانی ھلاپ ءَ کاروائی تچکی ءَ ھوار بیتگ، وھدے کہ آ تربت ءُ کولواہ ءَ ورنایانی پجّار ءُ اشی ءَ پد زورانسری آوار جنی ءِ وڑیں مزنیں جرماں پُرکار بیتگ-

جارکش ءَ گوشتگ کہ نوشکی ءَ مروچی شپ ھشت ءِ نزیک ءَ، بلوچستان لبریشن فرنٹ ءِ سرمچاراں دو جتاجتائیں کاروائی کتگ، اولی کاروائی نوشکی کلی قادر آباد پولیس اسٹیشن سر ءَ دستی بم بے چگل داتگ، کہ تُرندی ءَ ترکّ اِتگ – وھدے کہ دومی کاروائی نوشکی ءِ بُنجاھی بازار ءَ زورگریں پاکستانی پوج ءِ نیمگ ءَ چہ مردمانی سُر ءُ پُرانی چارگ ءِ ھاتر ءَ پٹ کتگیں کیمرہ نشانگ کتگ ءُ آ تاوان داتگ اَنت-

جارکش ءَ گوشتگ بلوچستان لبریشن فرنٹ کیچ ءَ ڈیتھ اسکواڈ ءِ کارندھانی کوش ءُ نوشکی ءَ پولیس سر ءَ بمب اُرش وھدے کہ نوشکی ءُ زامران ءَ ھال اھوال نزام ءِ مشنیری تاوان دیگ زمہ واری ءَ منّ ایں-