بلوچستان ءِ پنجگور ءِ دمگ گورگو ءَ مزنیں سلاہ بندیں اُرش ءِ ھال بیتگ ۔ ھما جاہ ءَ کہ بلوچ آجوئی لوٹوکیں مزنیں کساسے ءَ پاکستانی لشکر ءِ 91 ونگ کیمپ نشانگ جوڑ کُتگ۔
لشکری بنشون ءِ رد ءَ اے اُرش ءَ کم چہ کم ھشت کارندہ بیران بوتگ اَنت ءُ دہ کارندہ سک ٹپیگ بوتگ اَنت۔ کپٹن اسامہ ءِ نام ءَ ھوار۔
اھوالدار ءَ گْوشتگ کہ اُرش کنوکیں مردمانی کساس باز بوتگ ءُ آ نوکیں سلاہ اش گون بوتگ انت۔ اے اُرش بازیں کلاکاں برجاہ بوتگ کہ ایشی ءِ تہ ءَ دوئیں نیمگاں مزنیں تیرگواری بوتگ انت۔
لشکری واکداراں انگت ءَ اے اُرش ءِ سرکاری رنگ ءَ پدر نہ کتگ۔
زانگ بہ بیت پیش ءَ ھم بلوچستان ءَ پاکستانی لشکر مزنیں اُرشانی نشانگ جوڑ بیتگ اَنت بلے انگت ءَ اے وئیل ءِ زمہ واری کس ءَ نہ زیر اِتگ۔