مستونگ گرگینہ ءَ پاکستانی پوج ءِ نیمگ ءَ آبادی ءِ سر ءَ بمباری ، دکان ماندارگ بیتگ انت،آپریشن ءَ دزبندیں فورسز ءِ سر ءَ سلاہ بندیں اُرش، دمگ ءَ رھوتی نزام بند۔
پاکستانی لشکر ءَ گوستگیں روچ ءَ مستونگ ءِ دمگ گارگینہ ءَ مزنیں کچے ءَ آپریشن بندات کتگ۔ ھمی وھد ءَ مارٹر گولہ ءِ آبادی ءَ لگگ ءِ سبب ءَ تاوان ءِ ھال بوتگ ءُ دکان ھم سوچگ بوتگ اَنت ءُ ایشی ءَ ابید دمگ ءَ رھوتی نزام بند کنگ بوتگ۔
دمگی مردمانی رد ءَ آپریشن ءَ ھواریں پاکستانی لشکر ءِ کارندہ کفتاری ءَ سئے جاھاں سلاہ بندیں مردمانی نشانگ جوڑ کتگ اَنت کہ ایشی ءِ تہ ءَ آئی ای ڈی ءُ سلاہ بندیں اُرش ھوار اَنت۔
دمگی مردمانی رد ءَ بازیں وھدے ءَ جنگ ءُ چوپ برجاہ بوتگ اَنت ءُ برزی ءَ ڈرون ءُ کواڈ کاپٹر ھم گندگ بوتگ اَنت۔
واکداراں اے درگت ءَ انگت ءَ ھچ وڑیں ھال ءُ اھوال نہ داتگ۔
















































