جعفرآباد ءُ نصیر آباد ءَ سلاہ بندیں مردمانی دست ءَ سرکاری افسرے ءَ ھوار سے مردم آوار جنگ بیتگ اَنت

الم بوانیت

بلوچستان ءِ جتاجتائیں دمگاں چہ جعفرآباد ءُ نصیر آباد ءَ دو جتاجتائیں وئیلاں ناشناسیں سلاہ بندیں مردماں سے مردم آوار جتگ اَنت-

گیشیں ھالانی رِد ءَ جعفرآباد بلڈنگ اینڈ روڈز “بی اینڈ آر” ءِ ایگزیکٹو انجینئر عتیق الرحمان بلوچ چہ ڈیرہ اللہ یار ءَ روگ ءَ بیتگ کہ کچھی ءِ دمگ بُنجاھی شھدگ سر ءَ لمجی ءِ ھند ءَ آوار جنگ بیتگ-

واکدار رِد ءَ وئیل ءَ پولیس تھانہ حاجی شھر ءِ نزیک ءَ بیتگ اود ءَ سلاہ بندیں مردماں پہ تُپنگ زور ءَ داشتگ سرکاری گاڑی ڈرائیور ءَ ھوار وتی ھمراھی ءَ برتگ اَنت-

دومی وئیل نصیر آباد ءِ دمگ مانجھوٹی، گوٹھ انور ساسولی ڈپ ءِ ھند سر ءَ گوستگیں شپ ءَ ناشناسیں سلاہ بندیں مردماں غلام رسول غلام نبی بگٹی سلاہ زور ءَ آوار جتگ-

وئیل ءِ ھال رسگ ءَ پولیس وئیلجاہ ءَ سر بیتگ پٹ ءُ پول بندات کتگ بلے دوئیں وئیلاں ھمگرنچ آوار جنوکانی درگت ءَ ھچ وڑیں ھال دیم ءَ نیتکگ-

نوکتریں