بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گوشتگ کہ مئے سرمچاراں جتاجتائیں دمگاں چاگی، سرلٹ، ھُزدار، سوراب، پنجگور ءُ نوشکی ءَ یازدہ کاروائی کتگ، آیانی تہ ءَ پُلپانچیں شرکت ءِ سائٹ ءُ زورگریں پوج ءِ بُنجاھی بُنجل سر دستیگ ءُ باپاری ناکہ بندی ءِ بُنیاد ءَ بُنجاھی شھدگانی سر ءَ دستیگ ھوار اِنت، وھدے کہ بُرزی اُرشاں دُژمن ءَ مزنیں کچے ءَ جانی تاوان داتگ ءُ زورگریں پوج ءِ گوستگیں کارندھاں ھوار انجینئرز دزگیر کتگ اَنت-
جارکش ءَ گوشتگ 18 نومبر ءَ چاگی ، دالبندین ءَ خرگوشکان ءِ ھند سر ءَ سرمچاراں پُلپانچیں شرکت ءِ سائٹ سر دستیگ کتگ کہ اود ءَ بلوچ مڈی لُٹ ءُ پُل کنگ ھاتر ءَ مائننگ کنگ ءَ بیتگ اَنت- سرمچاراں سائٹ سر ءَ ساڑی سرجمیں مزنیں مشینری ءُ سامان مانداشتگ اَنت وھدے کہ سائٹ ءِ پھازدار دیوکیں زورگریں پوج ءِ گوستگیں کارندہ ثواب جان جھمنند میانوالی پنجاب، ساحل محمد جھمنند دریائی پشاور، مبارک خان جھمنند اوستہ محمد، بلوچستان ءُ سندھ رینجرز ءِ گوستگیں کارندہ عبدالمرجان جھمنند میانوالی پنجاب آوار جتگ اَنت شانزدہ تُپنگ دگہ جنگی سامان دستیگ کتگ اَنت- سرمچاراں سائٹ سر ءَ ساڑی یک جیولوجسٹ (زمینی زانت ) ءَ ھوار شرکت ءِ دگہ سے کارندہ ھم آوار جتگ اَنت کہ آیانی جُست ءُ پُرس برجاہ ءَ اِنت-
جارکش ءَ گوشتگ ھمے روچ ءَ سرلٹ ءِ ھند سر ءَ سرمچاراں زورگریں پوج ءِ نیمگ ءَ جتاجتائیں وھداں کارمرز بؤکیں یک بُنجلے تراکناکیں شورواں چہ تباہ کتگ-
جارکش ءَ گْوشتگ کہ نوزدہ نومبر ءَ ھُزدار ءِ ھند وڈھ ءَ کراڑو ءَ سرمچاراں آر سی ڈی شھدگ دستیگ کتگ دو کلاکاں تاں پٹ ءُ پول برجاہ داشتگ ءُ اے میان ءَ مڈی برؤکیں گاڑیاں ھوار دگہ باپاری گاڑی مانداشتگ ءُ تباہ کتگ اَنت- زورگریں پوج ءَ ھمے ھند سر ءَ پیشگامی ءِ جُھد کتگ چریشی ءَ سرمچاراں اُرش ءِ نشانگ کتگ پشتکنزی کنائینتگ، اُرش ءَ دُژمن ءِ دو کارندہ مرتگ ءُ کم چہ کم دگہ سے ٹپی بیتگ اَنت-
جارکش ءَ گوشتگ ھمے روچ ءَ سوراب ، گدر ءَ بُرزی یونٹ ‘قھر’ ءَ زورگریں پوج ءِ بُنجاھی بُنجل ڈرون اُرش ءِ نشانگ کتگ چریشی ءَ دُژمن ءَ مالی تاوان ءِ دیمپانی کنگ کپتگ-
جارکش ءَ گوشتگ کہ 20 نومبر ءَ پنجگور ، رخشان ءَ سی پیک دگ سر ءَ سرمچاراں دستیگ کتگ دو کلاکاں چہ گیش وھد ءَ پٹ ءُ ہول برجاہ داشتگ-
جارکش ءَ گوشتگ 21 نومبر ءَ نوشکی، ھژدہ خول ھند سر ءَ سرمچاراں زورگریں پوج ءِ بُنجاھی بُنجل سر ءَ تُرندیں اُرشے کتگ، وھدے کہ ھمے ھند ءِ نیمگ ءَ پیشگامی کنوکیں زورگریں پوج ءِ کاروان دو جتاجتائیں ھندانی سر ءَ اُرشانی نشانگ کتگ اَنت، ھمے وڑ یک بُنجاھی پُھلے ھم تباہ کتگ – بی ایل اے ءِ بُرزی یونٹ ‘قھر’ ءُ فتح اسکواڈ اے آپریشن ءِ بھر بیتگ اَنت – اے اُرش ءِ درگت ءَ گیشیں ھالاں زوت رسانکدر ءَ شنگ کن ایں-
جارکش ءَ گوشتگ چاگی، چھتر ءَ سرمچاراں شال تفتان باپاری دگ دستیگ کتگ پٹ ءُ پول برجاہ داشتگ ءُ دو باپاری گاڑی وتی دستیگ کتگ اَنت-
جارکش ءَ گوشتگ بلوچ لبریشن آرمی تچک کنگ لوٹ اِیت کہ بلوچستان ءِ مڈیانی لُٹ ءُ پُل ءَ ھوار پُلپانچیں منسوبہ، آیانی کمکار ءُ زورگریں پاکستانی پوج ءِ اوتاک دیمتر ءَ ھم بلوچ سرمچارانی نشانگ سر ءَ بنت وھدے کہ باپاری ناکہ بندی گوں تُرندی ءَ برجاہ دارگ بیتگ- گل اے اِھد کنت کہ زورگریں پوج ءُ آئی ءِ دمگی ءُ دری چریکانی سرجمی ءَ ھلاس کنگ ءُ بلوچستان ءِ وتواجھی ءَ تاں گھگیری جنگ گوں مھکمی ءَ برجاہ بیت-
















































