بلوچستان لبریشن فرنٹ ءِ جارکش میجر گْوھرام بلوچ ءَ وتی درشانے ءَ گوشتگ کہ بی ایل ایف ءِ سرمچاراں سیزدہ جتاجتائیں ھنداں کاروائی کتگ ءُ پوج ءِ سے کارندہ کشتگ ءُ دو چاریگ کشتگ اَنت۔
جارکش ءَ گوشتگ کہ مئے سرمچاراں 29 ستمبر 2026 ءَ آواران ءِ ھند بزداد ءَ پوج ءِ پھازداری چوکی ءِ سر ءِ گوں گرنیڈ لانچر ءَ اُرش کتگ کہ آ نشانگ ءَ کپتگ اَنت ءُ پوج ءَ جانی ءُ مالی تاوان بوتگ۔
جارکش ءَ گوشتگ کہ مئے سرمچاراں 29 ستمبر2026 ءَ دومی کاروائی ءَ سوراب ءِ ھند مل ءَ شال ءُ کراچی شھدگ داں پنچ اداراں دگ بستگ ءُ پٹ ءُ پول کتگ۔ دگ بندی ءِ مول ھمے ھند ءَ وتی دستیگی برجاہ دارگ ءُ پوج ءُ آئی کمکارانی سر ءَ چم سک دیگ اَت۔ سوراب ءَ سرمچاراں آیوکیں تبلیک ءِ دوا کنگ ءَ پد ٹولی ءَ گوں گپ کتگ۔
جارکش ءَ گْوشتگ دگہ یک کاروائی ءَ مئے سرمچاراں 28 ستمبر2026 ءَ مند ءَ بُنجاھی شھدگ سر ءَ ناکی بندی کتگ اسنیپ چیکنگ کتگ – اشی ءِ مول ءُ مراد دمگ ءَ وتی دستیگ کنگ ءِ برجاہ دارگ ءُ پوج ءُ آئی ءِ کمکارانی سُر ءُ پُراں نگاہ دارگ- اے میان ءَ سرمچاراں پاکستان ءِ مالی مپاد ءَ چہ ھمگرنچیں ٹرک داشتگ اَنت ءُ آیانی ٹائر تراکینتگ اَنت ءُ ڈرائیور کڈن کنگ ءَ پد یل داتگ اَنت-
آئی گوشتگ کہ سرمچاراں 28 ستمبر 2026 ءَ جھاؤ ءِ ھند سیاہ دمب ءَ پوج ءِ چوکی ءِ سر ءَ گوں ٹوھیں سلاھاں اُرش کتگ۔ اُرش ءِ آسر ءَ پوج ءِ جانی ءُ مالی تاوان بوتگ۔
جارکش ءَ گوشتگ دگہ یک کاروائی یے ءَ بی ایل ایف ءِ سرمچاراں 25 ستمبر 2026 ءَ مند ءِ میتگ ریک بازار ءَ شھدگ ءَ دگ بندی کتگ ءُ مال بروکیں چار ٹرک ءُ یک بوزر گاڑی یے تاوان داتگ۔
آئی ءَ گوشتگ کہ 24 ستمبر ءَ مند ءِ میتگ مھیر ءُ بلوچ آباد ءَ کاروائی کتگ ءُ پوج ءِ پھازداریں سنگرے ءَ تراکناکیں شورہ کل کتگ ءُ پوج ءِ کاروان ءِ پھازداریں کارندھانی سر ءَ اُرش کتگ۔ پوج ءِ سنگر ءَ چیر کرتگیں شورھانی تراک ءِ آسر ءَ یک کارندھے جاھی مرتگ ءُ یکے سک ٹپی بیتگ۔ بلوچ آباد ءَ کاروان ءِ پھازداری کنوکیں کارندھانی سر ءَ اُرش ءَ یک کارندھے مرتگ ءُ یک گاڑی یے سرجم ءَ تباہ بیتگ۔
آئی ءَ گوشتگ کہ 24 ستمبر 2026 ءَ راجی میار بار نصرت تگاپی پنام سنجو مرگ ءِ سزا داتگ ءُ آ تیرگواری کتگ ءُ کشتگ۔ کشگ بیتگیں نصرت تگاپی سرمچاراں 16 ستمبر ءَ کاروائی ءِ وھد ءَ دزگیر کتگ اَت ءُ راجی آمیدگس ءَ پیش کنگ ءُ 24 ستمبر ءَ مسکان کلات ءَ کشتگ۔ھمے روچ ءَ مئے سرمچاراں جاؤ ءِ ھند لاڑاندری ءُ آواران بیلہ دگ ءَ پولیس چوکی دستیگ کتگ ءُ اود ءَ ایریں پوجی سامان دستیگ کتگ اَنت۔ چہ ایشی ءَ پد شھدگ ءَ دگ بندی کرتگ۔
آئی گوشتگ کہ 22 ستمبر 2026 ءَ ھزدار ءِ ھند بلبل سلمان جو ءَ پوج ءِ چوکی گوں مزن ءُ کسانیں سلاھاں نشانگ کرتگ۔ چہ اے کاروائی ءِ آسر ءَ پوج ءِ یک کارندھے مرتگ ءُ یکے ٹپی بیتگ۔ اُرش ءَ پد پوج ءَ کواڈ کاپٹر ءِ سر ءَ سرمچارانی سر ءَ اُرش کنگ ءِ جھد کتگ کہ سرمچاراں تیرگواری کتگ ءُ بے سوب کتگ۔
آئی ءَ گوشتگ کہ 21 ستمبر2026 ءَ وڈ ءِ ھند روستو ءَ پوج ءِ کاروان ءِ سر ءَ اُرش کتگ۔ اے کاروائی ءِ آسر ءَ پوج ءَ جانی ءُ مالی تاوان بوتگ۔ مئے سنائپر ٹولی ءَ 15 ستمبر 2026 ءَ مشکے ءِ میتگسنیڑی ءَ پوج ءِ چوکی ءِ پھازداریں یک کارندھے نشانگ کتگ ءُ کشتگ۔
جارکش ءَ گوشتگ کہ 7 ستمبر 2026 ءَ راجی میاربار سمیع اللہ ء شفع اللہ جھمنند ھزدار گونکو تیرگواری کرتگ ءُ کشتگ۔ اے میاربار نصراللہ ءِ چیردستی ءَ راجی جنگ ءِ بگیری ءَ سرگرم بوتگ۔ آئی نیٹورک دمگ ءَ زر گرگ، منشیات ءِ بھا کنگ ءُ دگہ چاگردی سلکاریاں تچک ءَ ھوار بوتگ۔ سمیع اللہ ءُ آئی آدگہ سنگت پوج ءِ نیمگ ءَ سلاہ بند کنگ بوتگ اَنت۔ دانکہ آ سرمچارانی رندگیری ءَ بہ کن اَنت ءُ پوج ءَ پہ وھد ھال بہ دئے اَنت۔ اے میاربار سرمچاراں دزگیر کتگ ءُ راجی آمیدگس ءَ پیش کتگ۔ اود ءَ آ راجی میارباری ءَ وتی میار من اِتگ اَنت۔ آمیدگس ءَ آ مرگ ءِ سزا داتگ ءُ ھپت ستمبر 2026 ءَ آئی سر ءَ کار کرتگ ءُ آ کشتگ-
ھمے وڑ یونائیٹڈ بلوچ آرمی ءِ جارکش مزار بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ سرمچاراں مروچی سُھب کساس 11:30 ءَ نزیک ءَ کچھی ءِ دمگ سنی چیغڑی ءِ ھند سر ءَ آپریشن ءَ دلگوشیں زورگریں پاکستانی آرمی ءِ سئے گاڑیاں ھمگرنچ کاروان وتکاریں سلاھاں چہ تُرندیں اُرشے کتگ تُرندیں میڑ ءِ آسر ءَ چار کارندہ جاہ پہ جاھی مرتگ اَنت وھدے بازیں کارندہ سک ٹپی بیتگ اَنت-
درشان ءِ رِد ءَ اُرش ءَ پد دوئیں نیمگ ءَ تُرندیں میڑ بندات بیتگ کہ کس گنٹایے نیم ءَ تاں برجاہ بیتگ سرمچار کاروائی ءِ سرجم کنگ ءَ پد پہ سلامتی دمگ ءَ دراھگ ءُ وتی مُھریں اوتاکاں سر بیگ ءَ سوبمند بیتگ اَنت کہ اشی ءِ زمہ واری ءَ مئے گل یو بی اے منّ اِیت-
جارکش ءَ گوشتگ مئے اے وڑیں اُرش بلوچستان ءِ وتواجھی ءَ تاں برجاہ بنت-