کیچ ءِ تھسیل تمپ بالیچاہ ءِ دمگ لوتھم ءَ پکنک ءَ رؤکیں چار مردم ڈرون اُرش ءَ بیرانی ھال اِنت-
دمگی اِھوالکار ءِ رِد ءَ گوستگیں روچ ءِ دمگ ءَ شش مردم پکنک ءِ واستا نزیکیں کوھاں پکنک پوائنٹ ءَ شتگ اَنت، اود ءَ مروچی نیمروچ ءَ ھما وھد ءَ ڈرون اُرش ءَ نشانگ کتگ وھدے چار مردم یک ھندے ءَ ورگ ھڑکنگ ءَ چن ءَ لانچ ءَ بیتگ اَنت وھدے کہ دگہ دو مردم شکار واستا شتگ اَنت-
اِھوالکار ءِ رِد ءَ اُرش ءَ یاسر ء محمد کریم، زبیر ء نواب، سمیر ء عبدالخالق ءُ دیدگ ء محمد عمر جھمنند بالیچاہ بیران بیتگ اَنت-
اِھوالکار ءِ رِد ءَ چاریں مردمانی لاش اے وھد ءَ ایف سی ءِ کر ءَ اَنت، بلے اے درگت ءَ سرکاری نیمگ ءَ ھچ وڑیں درشان شنگ نہ کتگ-