بلوچستان لبریشن فرنٹ ءِ جارکش میجر گوهرم بلوچ ءَ رسانکدر ءَ شنگ کتگیں بیان ءِ تہ ءَ گْوشتگ کہ بی ایل ایف ءِ نوک جوڑ بوتگیں یونٹ کریمہ آرمڈ آسالٹ ڈویژن ءِ سرمچاراں مرچی 25 ستمبر 2026 ءَ قلات ءِ دمگ منگچر شھر ءَ گشت ءُ مزن شهدگ بستگ ءُ چک ءُ تان کتگ۔
آئی ءَ گوشت کہ بندش ءِ وھد ءَ سرمچاراں کلات ءُ مستونگ ءَ چہ دژمن ءِ کمک ءَ آیوکیں زورگیریں لشکر ءِ کاروان نشانگ جوڑ کتگ انت ایشی ءِ آسر ءَ بازیں فوجی کارندہ مرتگ ءُ ٹپی بوتگ انت۔
جارکش ءَ گشتگ کہ اے ترندیں کاروائی ءِ آسر ءَ زورگیریں لشکر ءِ بازیں کارندہ مرتگ انت وھدے کہ یک بکتربندیں گاڑی ءَ ھوار 3 گاڑی سرجم ءَ تباہ ءُ ناتوان بوتگ انت۔ اے دمگ ءَ سرمچار ءُ زورگیریں لشکر ءِ نیام ءَ انگت ءَ جنگ ءُ چوپ برجاہ اِنت۔
آئی ءَ گوشتگ کہ جنگ، سر ءُ پر، ءُ دژمن لشکر ءِ مرگ ءُ مال ءُ مڈی ءِ تاوان ءِ بابت ءَ سرجمیں بیان زوت رسانکدر ءَ شنگ کنگ بیت۔