چہ کیچ ءَ دو ڈاکٹر ءَ ھوار چار مردم، ھزدار ءَ یک مردمے، چہ پنجگور ءَ یک مردمے، چہ نوشکی ءَ مردمے ءُ چہ شال ءَ یکے آوار جنگ ءُ بیگواہ کنگ –
گیشیں اھوالانی رد ءَ گوستگیں شپ ءَ پاکستانی پوج ءَ یک لوگے ءَ بیڑ برتگ ءُ اود ءَ ڈاکٹر ماھر مزار ء مزار رحیم ءُ ڈاکٹر جمشیر بلوچ ء گنگزار آوار جتگ ءُ برتگ انت-
ھمے وڑ چہ ھزدار ءَ کادر بخش بلوچ ء حاجی رمضان جھمنند باگبانہ گوستگیں روچ ءَ چہ لوگ ءَ شھر ءِ نیمگ ءَ روگ ءِ وھد ءَ آوار جنگ بیتگ- ایشی ءَ پیش 2021 ءَ زھگ ءِ ھواری ءَ آوار جنگ بیتگ ءُ پد ءُ یل کنگ بیتگ ءُ پد ھمے سال ءِ جون ءِ ماہ ءَ سرکاری کمک ءَ ھستیں ٹولی ءِ دست ءَ آوار جنگ بیتگ ءُ سَے روچ ءَ پد یل کنگ بیتگ اے سیمی رند انت بیگواہ کنگ بوگ ءَ انت-
چہ پنجگور ءَ پنچ ستمبر ءَ پروم ءِ جھمنند باسط ء محمد امین آوار جنگ ءُ بیگواہ کنگ بیتگ-
چہ کیچ گیبن ءَ دو ستمبر ءَ عدنان بلوچ، مھمد اھمد پاکستانی پوج ءَ آوار جنگ ءَ پد بیگواہ کتگ انت-
چہ نوشکی ءَ 23 اگست 2026 ءَ بختیار ء عبدالسلام پاکستانی پوج ءَ آوار جتگ ءُ برتگ-
چہ شال ءَ کلی کمبرانی ءَ پاکستانی پوج ءَ پرائیویٹ سیکیورٹی گارڈ حبیب الرحمان ء محمد ابراھیم دزگیر کنگ ءَ پد بیگواہ کنگ بیتگ-
چہ بلوچستان ءَ زورانسری آوار جنیانی درچ یکشل ءَ برجاہ انت کہ اود ءَ ھمک روچ مردمانی آوار جنیانی اھوال دیم ءَ آیگ ءَ انت-