بلوچستان ءِ دمگ چاگی ءِ ھند چھتر ءَ ناشناسیں سلاہ بندیں مردماں امب ءَ چہ پُریں پنچ مزدا ٹرک وتی دستیگ کنگ ءِ ھال دیم ءَ اتکگ-
اِھوالکار ءِ گوشگ اِنت کہ گاڑی دو روچ ءَ تاں نوشکی ءَ سیکیورٹی کاروان ءِ جوڑ کنگ ءِ ودار ءَ داشتگ اَنت، چریشی ءَ پد پوج ءِ چاروگی ءَ گاڑیانی کاروان دروشم ءَ جُنز اِتگ اَنت-
ھالانی رِد ءَ وھدے کاروان چاگی ءِ دمگ چھتر ءَ سر بیتگ اَنت گُڑا اود ءَ ناشناسیں سلاہ بندیں مردماں کاروائی کنان ءَ امباں چہ پُریں پنچ مزدا ٹرک وتی ھمراھی ءَ برتگ اَنت-
اِھوالکار ءِ گوشگ اِنت کہ اے گاڑی یک انچیں کاروانے ءِ بھر بیتگ اَنت فرنٹیئر کور (ایف سی) نیمگ ءَ چہ سیکیورٹی دیگ ءَ بیتگ-
وئیل ءَ پد ٹرانسپورٹرز ءِ گوشگ اِنت کہ گاڑی دو روچ ءَ تاں نوشکی ءَ کاروان ءِ جوڑ کنگ ءِ نام ءَ داشتگ اَنت، بلے وھدے آ سیکیورٹی گوما روان داتگ اَنت بلے پد ءَ ھم راہ ءَ سلاہ بندیں مردم گاڑیانی برگ ءَ سوبمند بیتگ اَنت-
سانمندانی گوشگ اِنت کہ اگاں گاڑیانی سُر ءُ پُر ءِ سکیورٹی سوب ءِ بُنیاد ءِ دارگ بیتگ اَنت گُڑا پد ءَ اے تچکی بہ بیت کہ سلاہ بندیں مردماں کاروان ءِ تہ ءَ ھوار گاڑیاں تاں چتو سر بیتگ اَنت ءُ آ وتی ھمراھی ءَ برگ ءَ سوبمند بیتگ اَنت-
بلے تنی وھدے اے کاروائی ھچ گل ءَ نہ زرتگ نانکہ وئیل ءِ گیشیں سرپدی سرکار ءِ نیمگ ءَ اتکگ-