گوادر ءِ دمگ چہ جیونی ءِ ھند پانوان ءَ گوستگیں روچ ءَ پنچ مردمانی لاش دزکپتگ اَنت- دزکپتگیں لاشانی سر ءَ لَٹ ءُ کُٹانی نشانگ ھم ھست اَنت- آیانی تہ ءَ پنچمی لاش ءِ پجّار دو سال ءَ ساری پاکستانی پوج ءِ دست ءَ زورانسری بیگواہ کنگ بیتگیں چاکر گلاب، جھمنند بل نگور، کیچ نام ءَ چہ بیتگ-
زانگ بہ بیت کہ پاکستانی پوج ءَ جمعہ ءِ روچ پانوں ءَ پاکستان کوسٹ گارڈز ءِ بُنجل ءِ سر ءَ بلوچ لبریشن آرمی ءِ مجید بریگیڈ ءِ وتکش اُرش ءَ پد کاروائی کنان ءَ بازیں سلاہ بندیں مردمانی جنگ ءِ ٹاہ داتگ-
بلے دزکپتگیں پنچیں لاش پیسر ءَ چہ بندیگ بیتگیں مردمانی بیتگ اَنت- زانگ بہ بیت اشی ءَ ھم پاکستانی پوج ءِ سر ءَ بندیگیں مردماں دروگیں میڑاں کشتگ ءُ دروگیں میڑ نام داتگ-