فیفا ورلڈ کپ 2026 ءِ گوازی برجاہ ، مروچی گروپ جی ءَ مسر ءُ ایران ، نیوزلینڈ ءُ بیلجئیم دیم پہ دیم بوتگ انت ۔
فٹبال گوازیءِ گروف جی ءِ اولی گوازی مسر ءُ ایران ءِ میان ءَ کنگ بوتگ کہ ھر دو ٹیمانی نیمگ ءَ یک یک گول ءِ اسکور کنگ بوتگ پدا داں گوازی ءِ گڈسر ءَ ھچ نیمگ ءَ گول دیگ نہ بوتگ ءُ ھردو ٹیم یک یک گولے ءَ مکابلہ بوتگ انت ۔
گروپ جی ءِ دومی گوازی بیلجئم ءُ نیوز لینڈ ءِ میان ءَ بوتگ کہ بیلجئیم ءَ نیوز لینڈ ءِ دیم ءَ یک پہ پنچ گول ءَ گوازی کٹ اتگ ۔
نیوز لینڈ ءِ نیمگ ءَ یک گول ءِ دیگ بوتگ الیجا جسٹ 84 می منٹ داتگ وھدیکہ بیلجئم نیمگ ءَ دو گول لیاندرو ٹروسارڈ 28 می 50 می منٹ داتگ انت پدا 66 منٹ ءَکیون ڈی بروئنے ، 86 می منٹ ءَ رومیلو لوکاکو یک یک گولے داتگ ۔ پنچمی گول الیکسس سیلیماکرز 90+5 می منٹ ءَ داتگ ءُ گوازی کٹ اتگ ۔
اے سوبمندی ءَ پد بیلجئم ءَ گروپ جی ءِ تہ ءَ اولی پوزیشن گپتگ ءُ ناک آؤٹ ءَ کوالیفائی کتگ وھدیکہ نیوز لینڈ چہ ٹورنمنٹ ءَ دراتکگ ۔