کیچ : علی فقیر ءِ لوگ سر ءَ شپ ءِ وھد ءَ ایف سی ءَ بیڑبرتگ

کیچ ءِ دمگ گوگدان ءَ گوستگیں شپ ءَ ایف سی ءِ کارندھاں علی فقیر لوگ ءِ سر ءَ شپ ءِ وھد ءَ بیڑبرتگ، اے میان ءَ کھول تُرسینتگ اَنت-

کھول ءِ گوشگ اِنت کہ اے اولی وئیل نہ اِنت بلکیں اشی ءَ ساری ھم باز رند ءَ ایف سی ءُ دگہ ادارھانی نیمگ ءَ چہ آئی ءِ لوگ سر ءَ بیڑبرتگ-

کھول ءِ رِد ءَ شپ ءِ وھد ءَ بیتگیں کاروائی ءِ میان ءَ لوگ ءَ ساڑی زالبول ءُ چُکانی تہ ءَ سک تُرس ودی بیتگ، وھدے کہ کارندھاں لوگ ءِ پٹ ءُ پول ھم کتگ – کھول ءَ ٹاہ داتگ کہ ھر روچ اے کنگ بیگیں کاروائیاں آیانی زند سک سانمند کتگ-

کھول ءَ دیمتر ءَ بھتام جتگ کہ گوستگیں جتاجتائیں بیڑانی میان ءَ آئی ءِ لوگ ءَ چہ دو پرپٹ، گرانبھائیں لوگی ساز ءُ سامان ءُ زالبولانی گُد ھم برتگ اَنت-